កំណើនប្រមាណ ២៨% នៅថ្ងៃអង្គារបានធ្វើឱ្យទំហំជួញដូរភាគហ៊ុនសរុបមានការកើនឡើងគួរឱ្យកត់ សម្គាល់ រហូតដល់ ១.៤៨២,៤៨ លានរៀល ដែលប្រមាណ ៣៤% និង ៣៣% នៃទំហំជួញដូរសរុបនេះ បានគ្របដណ្ដប់ដោយភាគហ៊ុនតំបន់សេដ្ឋកិច្ចពិសេសភ្នំពេញ (PPSP) និង អេស៊ីលីដា (ABC)។
យ៉ាងណាមិញ សន្ទស្សន៍ផ្សារមូលបត្រកម្ពុជា បានធ្លាក់ចុះ ០,៤៤% នៅថ្ងៃអង្គារ មកនៅត្រឹម ៦៥៤.៦៧ ពិន្ទុ។
ភាគហ៊ុនចំនួន ៥ ដែលរួមមានហ្ក្រេនធ្វីន កំពង់ផែស្វយ័តក្រុងភ្នំពេញ តំបន់សេដ្ឋកិច្ចពិសេសភ្នំពេញ កំពង់ផែស្វយ័តក្រុងព្រះសីហនុ និងផេសថិក បានកើនឡើងចន្លោះពី ៨០៛ ទៅ ៣០០៛ ក្នុងមួយភាគហ៊ុន ដោយបានបិទនៅ ៤.៥៤០៛ ១៥.៦៦០៛ ២.១៨០៛ ១៤.៦៨០៛ និង ៣.៣៨០៛។ រីឯភាគហ៊ុន ២ ទៀត រដ្ឋាករទឹកស្វយ័តក្រុងភ្នំពេញ (PWSA) និងធនាគារអេស៊ីលីដា (ABC) បានថយចុះ ១៨០៛ ក្នុងមួយហ៊ុនដូចគ្នា មកត្រឹម ៧.៩៨០៛ និង ១៦.៣០០៛ រៀងគ្នា៕
រក្សាសិទ្ធិដោយ ៖ CEN