ភ្នំពេញៈ សាខាសម្រស់ធម្មជាតិ ស្រុកស្ទឹងត្រង់ ខេត្តកំពង់ចាម បានរំលោភកម្មសិទ្ធិបញ្ញាដែលបានយកពាក្យស្លោក ” យកការលំបាកធ្វើជាគ្រូ យកការតស៊ូធ្វើជាក្តីសង្ឃឹម ” របស់មជ្ឈមណ្ឌលសារព័ត៌មាន CAMBODIA EXPRESS NEWS យកទៅប្រើប្រាស់ និងបានយកទៅធ្វើជាកម្មសិទ្ធិរបស់ខ្លួនដោយគ្មានការអនុញ្ញាតពីម្ចាស់ដើម។
អ្នកស្រី ស៊ីណារ័ត្នធី តំណាងចែកចាយក្រុមហ៊ុន សម្រស់ធម្មជាតិ សាខាខាងកំពង់ចាម ស្ទឹងត្រង់ បានរំលោភបំពានយ៉ាងធ្ងន់ធ្ងរលើកម្មសិទ្ធិបញ្ញា របស់មជ្ឈមណ្ឌលសារព័ត៌មាន CAMBODIA EXPRESS NEWS ដោយយកពាក្យស្លោក ” យកការលំបាកធ្វើជាគ្រូ យកការតស៊ូធ្វើជាក្តីសង្ឃឹម ” ទៅធ្វើជាកម្មសិទ្ធិខ្លួន និងបានកាត់តយកឡូហ្គោ CEN ដាក់នៅផ្នែកខាងលើ (ឆ្វេងដៃ) នៃពាក្យស្លោកចេញ ដោយដាក់ជំនួសមកវិញដោយក្រុមហ៊ុន សម្រស់ធម្មជាតិ និងបានកាត់តផ្នែកខាងក្រោមដោយដាក់ជំនួសនៅរូបផលិតផល Coosea និងលេខទូរស័ព្ទ ០៧១ ៦៦ ៨៨ ៤៧៧ វិញ។
ចំណែកអ្នកស្រី ស៊ីណារ័ត្នធី តំណាងចែកចាយក្រុមហ៊ុន សម្រស់ធម្មជាតិសាខាខាងកំពង់ចាម ស្ទឹងត្រង់ បានបញ្ជាក់ប្រាប់ CEN ថា ” ខ្ញុំឃើញពាក្យល្អចេះតែយកមកកាត់តទៅ ខ្ញុំអត់ដឹងថា ផ្តាច់មុខផង “។
មជ្ឈមណ្ឌលសារព័ត៌មាន CAMBODIA EXPRESS NEWS សូមធ្វើការព្រមានជាមុន ÷ ១- សូមលុបរូបភាពពាក្យស្លោកនេះចេញពីអាខោន ឬផេករបស់សម្រស់ធម្មជាតិ , ២- សូមធ្វើលិខិតបញ្ជាក់ជូនសាធារណជនអំពីកំហុសរបស់ខ្លួនដែលបានប្រព្រឹត្ត ។ បើពុំដូច្នោះទេ មជ្ឈមណ្ឌលព័ត៌មាន CEN នឹងពិនិត្យមើលសិក្សាផ្លូវច្បាប់ ដើម្បីចាត់វិធានការទៅលើក្រុមហ៊ុន សម្រស់ធម្មជាតិ ដែលបណ្តែតបណ្តោយឲ្យតំណាងចែកចាយរបស់ខ្លួនរំលោភកម្មសិទ្ធិបញ្ញាដោយបានយកពាក្យស្លោក ” យកការលំបាកធ្វើជាគ្រូ យកការតស៊ូធ្វើជាក្តីសង្ឃឹម ” របស់មជ្ឈមណ្ឌលសារព័ត៌មាន CAMBODIA EXPRESS NEWS ទៅធ្វើជាកម្មសិទ្ធិរបស់ខ្លួន ដើម្បីចំណេញលើការលក់ផលិតផលរបស់ខ្លួនដោយគ្មានការអនុញ្ញាតពីម្ចាស់ដើម៕ រក្សាសិទ្ធិដោយ ៖ ចេស្តារ
