ភ្នំពេញ ៖ ជារឿងដែលកំរបំផុតដែលកុមារីម្នាក់ ដែលជាជនជាតិខ្មែរមានមុខមាត់ស្រដៀង ទៅតារាម៉ូឌែលរបស់កូរ៉េ បើតាមការសង្កេតក្មេងស្រីម្នាក់នោះ គឺជាអតិថិជនដែលតែងតែជាវផលិតផល ខោទឹកនោមម៉ាក កូកូហ្វីត យោងតាមការផុសរូបភាព នៅលើគេហទំព័រហ្វេសបុកផ្ទាល់ខ្លួនរបស់កុមារីរូបនេះ។
កុមារីដែលមានមុខមាត់គួឲ្យក្នាញ់ ហើយថែមទាំងមានមុខមាត់ស្រដៀងគ្នា ជាមួយតារាម៉ូឌែលវ័យក្មេងកូរ៉េ ដែលជាទូតសុច្ឆន្ទៈ ឱ្យខោទឹកនោម កូកូហ្វីតរូបនេះ មានឈ្មោះថា កុមារី ព៌េជ្ញ ហៅ Ariya ដែលចូលចិត្តលេងទឹកមុខ និងសម្ដែងកាយវិការ ឬធ្វើត្រាប់តាមសកម្មភាព តារាម៉ូឌែលតូចក្នុងវីឌីអូពាណិជ្ជកម្មខោទឹកនោម កូកូហ្វីត យ៉ាងមានភាពប៉ិនប្រសព្វ រហូតដល់ឪពុកម្តាយគាត់បានរៀបចំ ថតកូនរបស់ខ្លួនតាមឈុតខ្លះៗ ពីវិឌីអូពាណិជ្ជកម្មខាងលើ ហើយក៏ធ្លាប់បានចូលរួមប្រកួតវិឌីអូកូនគាត់ក្នុងកម្មវិធី “ I’m KOKOFiT ‘s friend “ រហូតទទួលបានជ័យលាភីលេខមួយផងដែរ។
ក្មេងស្រីតូចដែលមានភ្នែកតឹង មុខឃ្យូតៗ និងថែមទាំងវ៉ៃឆ្លាតរូបនេះ កំពុងធ្វើឲ្យម្ចាស់ផលិតផលខោទឹកនោម កូកូហ្វីត ចាប់អារម្មណ៍ជាខ្លាំង ជាមួយនឹងភាពស្រដៀងគ្នារបស់កុមារទាំងពីរ។ ក្នុងនោះ សូម្បីតែ ឪពុក ម្តាយរបស់ក្មេងកុមារី ព៌េជ្ញ ក៏មានការភ្ញាក់ផ្អើល និងមិននឹកស្មានថាកូនស្រីដ៏គួរឱ្យស្រឡាញ់ របស់ពួកគាត់ ពិតជាមានមុខមាត់ និងទឹកមុខស្រដៀងគ្នាជាមួយ កុមារាជាម៉ូឌែលតូចប្រចាំឲ្យផលិតផលខោទឹកនោម កូកូហ្វីត ពិសេសជាម៉ាកផលិតផល ដែលគាត់តែងតែទិញយកមកឲ្យកូនស្រីស្លៀកជាប្រចាំថែមទៀត។
ប្រភពពីហ្វេសបុកឈ្មោះ Sonita Engនិង គេហទំព័រហ្វេសបុកផ្លូវការ KOKOFiT Cambodia៕
