សៀមរាប ៖ ឆេះសាលមហោស្រពអង្គរ នៅថ្ងៃទី១៦ ខែមីនា ឆ្នាំ២០១៨ នៅវេលាម៉ោង១០និង២០នាទី ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ។
សមត្ថកិច្ចបានឲ្យដឹងថាមូលហេតុនៃការឆាបឆេះនេះគឺដោយសារឆ្លងចរន្តអគ្គិសនី។
លោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តសៀមរាប បានបញ្ជាក់ថា ប្រតិបត្ដិការជួយសង្គ្រោះគ្រោះថ្នាក់សង្គមនេះ កម្លាំងសមត្ថកិច្ចបានប្រើប្រាស់ឡានទឹក អស់ចំនួន១៨គ្រឿង ដោយក្នុងនោះ រថយន្តនគរបាលខេត្ត៨គ្រឿង នគរបាលបេតិកភណ្ឌ១គ្រឿង អាវុធហត្ថខេត្ត៤គ្រឿង មន្ទីសាធារណការ១គ្រឿង ភូមិវប្បធម៌១គ្រឿង និងអាជ្ញាធរអប្សរា២គ្រឿង។
បើតាមលោកឧត្តមសេនីយ៍ស្នងការ ក្នុងហេតុការណ៍អគ្គីភ័យនេះពុំមានប៉ះពាល់ដល់អាយុជីវិតមនុស្ស មិនរាលដាលដល់ផ្ទះអ្នកជិតខាង និងខូចខាតអស់មួយចំនួនធំ៕ ដោយ ៖ បញ្ញាស័ក្តិ