រដ្ឋមន្ត្រីក្រសួងការបរទេសជប៉ុនបាននិយាយកាលពីថ្ងៃសុក្រ ប៉ុន្មានម៉ោងមុនវ៉ាក់សាំងបញ្ចូលដាក់លើកប៉ាល់ត្រូវបានដឹកជញ្ជូនថា ប្រទេសជប៉ុននឹងផ្តល់វ៉ាក់សាំងអាស្រា្តសេនីកាចំនួន ១ ,២៤លានដូសដោយឥតគិតថ្លៃទៅកាន់កោះតៃវ៉ាន់។ លោក Motegi បានប្រាប់អ្នកយកព័ត៌មាននៅទីក្រុងតូក្យូថា“ យើងបានទទួលសំណើពីប្រទេស និងតំបន់ផ្សេងៗគ្នាសម្រាប់ការផ្តល់វ៉ាក់សាំង។
លោកបានបន្ថែមថា“ នៅចំណុចនេះ យើងបានបញ្ចប់ការរៀបចំវ៉ាក់សាំង សម្រាប់ការស្នើសុំពីកោះតៃវ៉ាន់ហើយ យើងនឹងចែកចាយថ្នាំវ៉ាក់សាំងអាស្ត្រាសេនីកាចំនួន ១.២៤ លានដូសដោយឥតគិតថ្លៃដែលថ្នាំអស់នេះគឺផលិតក្នុងប្រទេសជប៉ុន” ។ លោក Motegi បាននិយាយថា វ៉ាក់សាំងនឹងត្រូវបានគ្រប់គ្រងតាមរយៈស្ថានទូតកោះមួយនេះ ហើយអាចទៅដល់តៃវ៉ាន់នៅថ្ងៃសុក្រ។
កោះតៃវ៉ាន់កំពុងប្រយុទ្ធប្រឆាំងនឹងការឆ្លងរីករាលដាលក្នុងប្រទេស ហើយបានចាក់វ៉ាក់សាំងតិចជាង ៣ ភាគរយនៃចំនួនប្រជាជនរបស់ខ្លួន។ ប្រទេសជប៉ុនបានធ្វើកិច្ចសន្យាដើម្បីទទួលបានវ៉ាក់សាំងការពារជំងឺកូវីដជាង ៣០០ លានដូសពី ភីហ្វាយហ្ស៊ី, ម៉ូឌីណា និងអាស្ត្រាសេនីកា ដែលគ្រប់គ្រាន់សម្រាប់ប្រជាជនទាំងមូល។
ក្រសួងការបរទេសតៃវ៉ាន់បាននិយាយនៅក្នុងសេចក្តីថ្លែងការណ៍មួយថា“ ទំនាក់ទំនងរវាងតៃវ៉ាន់ និងជប៉ុនតែងតែមានភាពជិតស្និទ្ធបំផុតហើយមិត្តភាពរបស់យើងគឺរឹងមាំ និងស៊ីជម្រៅ” ។ នៅពេលណាដែលមានគ្រោះមហន្តរាយឬគ្រោះថ្នាក់កើតឡើងភាគីទាំងសងខាងផ្តល់ជំនួយដល់គ្នាទៅវិញទៅមក ហើយបញ្ជូនជំនួយទៅក្នុងពេលមានអាសន្ន។
ប្រទេសជប៉ុនបានអនុម័តវ៉ាក់សាំងរបស់ក្រុមហ៊ុនអាស្ត្រាសេនីកា កាលពីខែមុន ហើយបានចុះកិច្ចសន្យាទិញថ្នាំវ៉ាក់សាំងចំនួន ១២០ លានដូសបន្ថែមទៀត។ ប៉ុន្តែជប៉ុនមិនទាន់មានផែនការភ្លាមៗក្នុងការប្រើថ្នាំចាក់នេះទេ ចំពេលដែលមានការព្រួយបារម្ភជាអន្តរជាតិអំពីការកើតជុំវិញបញ្ហាឈាមកក៕ ប្រភព៖ រ៉យទ័រ