អតីតមេដឹកនាំជាច្រើន អំពាវនាវឲ្យក្រុមនៃប្រជាជាតិទាំងប្រាំពីរ ចំណាយថវិកា សម្រាប់វ៉ាកស់ាំងកូវីដ១៩នៅលើពិភពលោក

អតីតប្រធានាធិបតី នាយករដ្ឋមន្ត្រី និងរដ្ឋមន្រ្តីក្រសួងការបរទេសរាប់រយនាក់បានជំរុញឲ្យក្រុមប្រជាជាតិទាំង៧ ចំណាយថវិកាសម្រាប់វ៉ាក់សាំងកូវីដ១៩នៅលើពិភពលោក ដើម្បីជួយបញ្ឈប់ការរីកសាយភាយមេរោគ និងធ្វើឲ្យពិភពលោកទាំងមូលប្រសើរឡើងពីការគម្រាមគំហែងបន្តទៀត។

មេដឹកនាំទាំងអស់បានអំពាវនាវនៅមុនកិច្ចប្រជុំកំពូល G7(ក្រុមនៃប្រជាជាតិទាំង៧) នៅប្រទេសអង់គ្លេសដែលបានចាប់ផ្តើមកាលពីថ្ងៃសុក្រ បន្ទាប់ពេលដែលប្រធានាធិបតីអាមេរិកលោក ចូ បៃដិន នឹងជួបជាមួយមេដឹកនាំអង់គ្លេស បារាំង អាល្លឺម៉ង់ អ៊ីតាលី កាណាដា និងជប៉ុន។

នៅក្នុងលិខិតរបស់ពួកគេទៅកាន់ G7 អតីតមេដឹកនាំពិភពលោកបាននិយាយថា កិច្ចសហប្រតិបត្តិការពិភពលោកបានបរាជ័យក្នុងឆ្នាំ ២០២០ ប៉ុន្តែសង្ឃឹមថា ឆ្នាំ ២០២១ អាចនឹងឈានទៅរកយុគសម័យថ្មីមួយ។

លិខិតនោះបាននិយាយថា“ ការគាំទ្រពី G7 និង G20 ដែលធ្វើឱ្យវ៉ាក់សាំងអាចនាំទៅកាន់បណ្តាប្រទេសដែលមានប្រាក់ចំណូលទាប និងមធ្យម គឺមិនមែនជាសកម្មភាពសប្បុរសធម៌នោះទេ ប៉ុន្តែជាផលប្រយោជន៍ ជាយុទ្ធសាស្ត្ររបស់ប្រទេសនីមួយៗនោះឯង” ។

ក្នុងចំណោមប្រទេសហត្ថលេខីខាងលើ គឺរួមមានអតីតនាយករដ្ឋមន្ត្រីអង់គ្លេសលោក Gordon Brown និងលោក Tony Blair អតីតអគ្គលេខាធិការអង្គការសហប្រជាជាតិ លោកបានគីមូន និងអតីតមេដឹកនាំអាហ្វ្រិកចំនួន ១៥ នាក់ផ្សេងទៀត។

ពួកគេបាននិយាយថា G7 និងមេដឹកនាំដទៃទៀតដែលត្រូវបានអញ្ជើញឱ្យចូលរួមក្នុងកិច្ចប្រជុំនេះ គួរតែធានានូវអ្វីដែលជាចំនួនទឹកប្រាក់ប្រហែល ៣០ ពាន់លានដុល្លារក្នុងមួយឆ្នាំ ក្នុងរយៈពេលពីរឆ្នាំ ដើម្បីឆ្ពោះទៅរកការប្រយុទ្ធប្រឆាំង នឹងជំងឺរាតត្បាតនៅទូទាំងពិភពលោក។

លោក Brown បាននិយាយថា“ ដើម្បីឱ្យ G7 ចំណាយថវិកាដែលមិនមែនជាសប្បុរស វាគឺជាការការពារខ្លួនដើម្បីបញ្ឈប់ការរីករាលដាលនៃជំងឺ ក៏ដូចជា ការផ្លាស់ប្តូរ និងការវិលត្រឡប់មកគម្រាមកំហែងមកដល់យើងទាំងអស់គ្នា” ។

លោកបានបន្ថែមនៅក្នុងសេចក្តីថ្លែងការណ៍មួយថា“ ការចំណាយត្រឹមតែ ៣០ ផេន រឺស្មើ ០,៤៣ ដុល្លារអាមេរិក សម្រាប់មនុស្សម្នាក់ក្នុងមួយសប្តាហ៍នៅក្នុងចក្រភពអង់គ្លេស គឺជាតម្លៃតូចមួយដែលត្រូវចំណាយសម្រាប់គោលនយោបាយធានារ៉ាប់រងល្អបំផុតនៅលើពិភពលោក” ។
ការអំពាវនាវរបស់ពួកគេ ស្របពេលជាមួយនឹងការស្ទង់មតិរបស់អង្គការសប្បុរសធម៌ Save the Children ដែលបានរកឃើញការគាំទ្រជាសាធារណៈយ៉ាងខ្លាំងនៅសហរដ្ឋអាមេរិក អង់គ្លេស បារាំង អាឡឺម៉ង់ និង កាណាដា សម្រាប់ G7 ដែលចំណាយទៅលើទឹកប្រាក់ចំនួន ៦៦ ពាន់លានដុល្លារ ដែលត្រូវការសម្រាប់វ៉ាក់សាំងកូវីដ-១៩ នៅទូទាំងពិភពលោក។

ការស្ទង់មតិបានបង្ហាញថា នៅចក្រភពអង់គ្លេស ៧៩ ភាគរយបានគាំទ្រគោលនយោបាយបែបនេះ ហើយ ៧៩ ភាគរយនៃជនជាតិអាមេរិកបានគាំទ្រសំណើនេះ។ ការគាំទ្រមានកម្រិតទាបបំផុតនៅក្នុងប្រទេសបារាំងដែលមានតែ ៦៣ ភាគរយបានគាំទ្រ៕
ប្រភព៖ CGTN
រក្សាសិទ្ធិដោយ៖CEN