ខេត្តព្រៃវែង ៖ កម្លាំងកងរាជអាវុធហត្ថស្រុកពាមរក៍សហ ការជាមួយកំលាំងមន្ត្រីជំនាញគយសាខាខេត្តព្រៃវែង បានស្ទាក់ចាប់រថយន្តមួយគ្រឿងដឹកទូរស័ព្ទអត់ពន្ធចំនួន៤៦៨០គ្រឿង នៅលើនៅលើកំណាត់ផ្លូវជាតិលេខ១ ត្រង់ចំណុចភូមិ២ ឃុំព្រែកខ្សាយ(ខ) ស្រុកពាមរក៍ខេត្តព្រៃវែងនៅវេលាម៉ោង១៩និង៣០នាទីយប់ថ្ងៃទី៨ ខែមិថុនា ឆ្នាំ២០២១ ។
រថយន្តនោះម៉ាកសាំយ៉ុង ពណ៌ទឹកប៊ិច ពាក់ផ្លាកកលេខ ភ្នំពេញ 2AK 3057បើកបរដោយបុរសម្នាក់ឈ្មោះ ខែម ទី ភេទប្រុស អាអាយុ៣៩ឆ្នាំ មានទី លំនៅក្នុងភូមិអង្គក្តួច ឃុំព្រៃគគីរ ស្រុកចន្ទ្រា ខេត្តស្វាយរៀង។
លោកវរសេនីយ៍ត្រី ឈួន ឬទ្ធី មេបញ្ជាការកងរាជអាវុធហត្ថស្រុកពាមរក៍ បានឲ្យដឹងថា រថយន្តសាំយ៉ុងដឹកទូរសព្ទ័គេគេចពន្ធនេះ ហើយទូរស័ព្ទទាំងអស់នេះ គឺឈ្មួញមានបំណងលួចនាំចេញទៅប្រទេសវៀតណាម តាមច្រករបៀងក្នុងទឹកដីខេត្តស្វា យរៀង តែពេលមកដល់ទឹកដីស្រុកពាមរក៌ ក៏ត្រូវបានចាប់ឃាត់តែម្តង។ មន្ត្រីជំនាញបានឆែកឆេររកឃើញនៅក្នុងរថយន្តនោះមានដឹកទូរស័ព្ទស៊េរីទំនើបចំនួន៤៦៨០គ្រឿង ដែលអត់មានឯកសារបង់ពន្ធអ្វីទាំងអស់ ដែលក្នុងនោះ រួមមាន ១. iphone 12(promax)ចំនួន៧៦៨ គ្រឿង ២. iphone 12 ចំនួន ៩៤ គ្រឿង ៣. iphone 11(promax)ចំនួន៦៨៤គ្រឿង ៤. iphone 11 ចំនួន ១៥៥៥គ្រឿង ៥. iphone(xsmax)ចំនួន ៧៣៨គ្រឿង ៦. iphone 7(plus)ចំនួន ៦៧៩គ្រឿង ៧. iphone 7 ចំនួន ១៦២ គ្រឿង។ ទាំងមនុស្សនិងវត្ថុតាង ត្រូវបានប្រគល់ជូនទៅមន្ត្រីជំនាញគយសាខាខេត្តព្រៃវែង៕ រក្សាសិទ្ធិដោយ៖បញ្ញាស័ក្តិ
