ភ្នំពេញ ៖ កំណើន ៤០៛ នៅថ្ងៃព្រហស្បតិ៍ម្សិលមិញ បានធ្វើឱ្យថ្លៃភាគហ៊ុនពង់ផែស្វយ័តក្រុងភ្នំពេញ PPAP ឡើងដល់ ១៥.០០០៛ សាជាថ្មីម្តងទៀត ដែលតួលេខប្រហាក់ប្រហែលគ្នានេះ បានឃើញលើកចុងក្រោយនៅសប្តាហ៍ទីបីនៃខែឧសភា។
ភាគហ៊ុនពីរដែលបានបង្ហាញការកើនឡើងដែរនោះគឺ ហ្រ្កេនធ្វីន (GTI) និងផេសថិក (PEPC) ដែលមានកំណើន ៤០៛ និង ១០៛ រហូតដល់៤.៣០០៛ និង៣.៣១០៛។
យ៉ាងណាមិញ ភាគហ៊ុនភាគហ៊ុន (ABC) និង ភាគហ៊ុនចំនួន ៣ ផ្សេងទៀត រួមមាន រដ្ឋាករទឹកស្វយ័តក្រុងភ្នំពេញ (PWSA) តំបន់សេដ្ឋកិច្ចពិសេសភ្នំពេញ (PPSP) និងកំពង់ផែស្វយ័តក្រុងព្រះសីហនុ (PAS) បានធ្លាក់ចុះ ចន្លោះពី ១០៛ ទៅ ១០០៛ ក្នុងមួយហ៊ុន មកត្រឹម ១៦.៣០០៛ ៧.២៦០៛ ២.២៧០៛ និង ១៤.៤២០៛ រៀងគ្នា។
សន្ទស្សន៍ ផ.ម.ក. បានបន្តការធ្លាក់ចុះ ០,៤៧% បន្ថែមទៀតមកត្រឹម ៦៤៧,៦២ ពិន្ទុនៅថ្ងៃនេះ។ ទំហំជួញដូរភាគហ៊ុនសរុបមានចំនួន ៥១៣,៦០ លានរៀល ដែលប្រមាណ ៧៩% ជាចំណែកជួញដូរលើភាគហ៊ុន ABC៕
រក្សាសិទ្ធិដោយ៖CEN