ស្វាយរៀង ៖ មានករណីគ្រោះថ្នាក់ចរាចរណ៍មួយបានកើតឡើងដោយសាររថយន្តកុងតឺន័របានបុកបង្កាន់ដៃស្ពានប្រសូត្រតែសំណាងល្អមិនបង្ករអោយមានអ្នករងរបួស។ ករណីនេះបានកើតឡើងកាលពីវេលាម៉ោង៥និង២០នាទីព្រឹក ថ្ងៃទី២១ ខែមីនា ឆ្នាំ២០១៨ ស្ថិតក្នុងភូមិទួលអង្គប់ឃុំសំបួរស្រុកស្វាយទាបខេត្តស្វាយរៀង។
សមត្ថកិច្ចនគរបាលស្រុកស្វាយទាបបានប្រាប់អោយដឹងថាៈអ្នកបើកបររថយន្តកុងតឺន័រមានឈ្មោះ ចាន់ វ៉ន ភេទប្រុស អាយុ ៥៤ឆ្នាំ មុខរបរ បើកបររថយន្ត បច្ចុប្បន្នរស់នៅភូមិទឹកថ្លា ឃុំគីរីមានជ័យ ស្រុកបរសេដ្ឋ ខេត្តកំពង់ស្ពឺ គ្មានរបួសបានបើកបររថយន្តក្នុង ទិសដៅពីលិច ទៅកើត លុះមកដល់ចំណុចកើតក៏បានរេចង្កូតរថយន្តមកទិសខាងឆ្វេងដៃសង្ស័យបណ្តាលមកពីងងុយដេកមួយភាំងស្រាប់តែបុកបង្កាន់ស្ពានប្រសូត្រប៉ែកខាងលិចស្ពានប៊ិះធ្លាក់ព្រែកនិងប៊ិះបុកផ្ទះអ្នកស្រុកធ្វើអោយម្ចាស់ផ្ទះមានភិតភ័យយ៉ាងខ្លាំងផ្អើលទាំងព្រឹក។
ប្រភពដដែលបានបន្តទៀតថាៈបច្ចុប្បន្នអ្នកបើកបររថយន្តបង្កហេតុត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកស្វាយទាបដើម្បីចាត់ការបន្តទៅតាមនីតិវិធី មូលហេតុៈដែលបង្កឱ្យមានគ្រោះថ្នាក់នេះគឺអ្នកបើកបររថយន្ត ងងុយដេក៕ វ៉ៃកូ
