ភ្នំពេញ ៖ ពាណិជ្ជកម្មទ្វេភាគីរវាងកម្ពុជានិងកូរ៉េខាងត្បូង មានតម្លៃ ៣៧៧ លានដុល្លារក្នុងរយៈពេល ៥ ខែដំបូងនៃឆ្នាំនេះគឺកើនឡើង ៦,២ ភាគរយបើប្រៀបធៀបនឹងរយៈពេលដូចគ្នាកាលពីឆ្នាំមុន។
ទិន្នន័យពីសមាគមពាណិជ្ជកម្មអន្តរជាតិកូរ៉េ បានបង្ហាញថាចាប់ពីខែមករា ដល់ខែឧសភា ប្រទេសកម្ពុជាបាននាំចេញទំនិញមានតម្លៃ ១៣៩ លានដុល្លារ ទៅកាន់ប្រទេសអាស៊ីបូព៌ា ដែលជាការធ្លាក់ចុះនៃកំណើន ០,៤ ភាគរយ។ ជាមួយគ្នានេះព្រះរាជាណាចក្រកម្ពុជា បាននាំចូលផលិតផលមានតម្លៃ ពីប្រទេសកូរ៉េខាងត្បូងចំនួន ២៣៧ លានដុល្លារកើនឡើង ១០ ភាគរយ។
ទំហំពាណិជ្ជកម្មទ្វេភាគី រវាងកម្ពុជានិងកូរ៉េខាងត្បូង មានចំនួន ៨៨៤ លានដុល្លារក្នុងឆ្នាំ ២០២០ ពោលគឺធ្លាក់ចុះ ១៧ ភាគរយពីចំនួន ១,០៣២ លានដុល្លារក្នុងឆ្នាំ ២០១៩៕ រក្សាសិទ្ធិដោយ៖CEN
