មន្ត្រីយោធានៅក្នុងប្រទេសប្រេស៊ីល បាននិយាយថា បុរសម្នាក់ខណៈកំពុងជីករណ្តៅសុខៗ ស្រាប់តែបាក់ដីគ្របសង្កត់កប់គាត់ទាំងរស់តែម្តង ។
បើទោះជាត្រូវកប់ទាំងរស់យ៉ាងណាក៏ដោយ ប៉ុន្តែ គាត់ត្រូវបានជួយសង្គ្រោះ និងគ្រាន់តែរងរបួសស្រាលប៉ុណ្ណោះ បន្ទាប់ពីបុរសៗដែលជាអ្នកជិតខាង បានប្រញាប់ប្រញាល់ជួយសង្គ្រោះយ៉ាងលឿន ដើម្បីរំដោះគាត់ចេញពីក្នុងរណ្តៅនោះ ដោយប្រើទឹក និងប៉ែល ។
វីដេអូបានបង្ហាញឲ្យឃើញជនរងគ្រោះពាក់កណ្តាលខ្លួន នៅតែកំពុងកប់ជាប់ក្នុងដី ខណៈបុរស៣នាក់ បានព្យាយាមជីកកាយដី ដើម្បីសង្គ្រោះគាត់ឲ្យមានសេរីភាពវិញ ។
ម្នាក់ក្នុងចំណោមអ្នកភូមិទាំង៣ បានចាប់លើកដៃជនរងគ្រោះ ខណៈបុរស២នាក់ទៀត បានប្រើប្រាស់ទឹក និងប៉ែល ដើម្បីរំដោះជើងរបស់គាត់ ។
ក្រោយពេលជួយសង្គ្រោះពីរណ្តៅបាក់ស្រុត ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ទីកន្លែងដែលក្រុមគ្រូពេទ្យបានបញ្ជាក់ថា ជនរងគ្រោះកំពុងស្ថិតក្នុងស្ថានភាពស្ថិរភាព ៕ ចន្ទី
