ប្រធានាធិបតីអាមេរិក ដូណាល់ ត្រាំ នៅថ្ងៃ ២៣ មីនា ឲ្យដឹងថា លោកបានចុះហត្ថលេខាលើក្រិតច្បាប់ចំណាយថវិកាទឹកប្រាក់ ១៣០០ពាន់លានដុល្លារ ។ បំណងឲ្យរដ្ឋាភិបាលអាចមានថវិកាចំណាយរហូតដល់ថ្ងៃទី ៣០ ខែកញ្ញា ទប់ស្កាត់ការត្រូវបិទទ្វារដ្ឋាភិបាលដូចលើកមុន។
ប្រធានាធិបតីអាមេរិក ចុះហត្ថលេខាលើច្បាប់ចំណាយ ១.៣០០ពាន់លានដុល្លារ
ទង្វើខាងលើរបស់លោកត្រាំ បានកើតឡើងតែប៉ុន្មានម៉ោងបន្ទាប់ពីនិយាយគំរាមថា នឹងពុំចុះហត្ថលេខាលើក្រិតនេះ។ ក្រិតច្បាប់ចំណាយនេះរួមកំណើនយ៉ាងខ្លាំង លើចំណាយយោធា ព្រមជាមួយការបញ្ចប់ដំណាក់កាលលំបាករបស់សភាអាមេរិក ក្នុងការផ្តល់ថវិកាឲ្យបណ្តាស្ថាប័នសហព័ន្ធគិតចាប់ពី ហេមន្តរដូវឆ្នាំទៅមិញ និងបង្កលក្ខណៈឲ្យតំណាងរាស្ត្រទាំងឡាយធ្វើការប្រមូលផ្តុំលើការបោះឆ្នោតរដ្ឋសភាពាក់កណ្តាលអណត្តិនាខែវិច្ឆិកាឆ្នាំនេះ ។
ក្នុងសេចក្តីថ្លែងការណ៍មួយពីសេតវិមាន ប្រធានាធិបតីត្រាំសង្កត់ធ្ងន់ថា ព្រោះតែបញ្ហាសន្តិសុខជាតិ ខ្ញុំបានចុះហត្ថលេខាលើច្បាប់ថវិការដែលមានខ្លឹមសារច្រើនបែបនេះ។ មានបញ្ហាច្រើនដែលខ្ញុំពុំពេញចិត្ត។ មានបញ្ហាច្រើន ដែលយើងពុំគួរលើកឡើងក្នុងច្បាប់នេះ ប៉ុន្តែយើងបានបង្ខំត្រូវដាក់បញ្ចូលវា ប្រសិនមានបំណងកសាងកងទ័ព។
ក្នុងថ្ងៃដដែលប្រធានាធិបតីអាមេរិក ក៏បានប្រកាសថា លោកកំពុងពិនិត្យបដិសេធច្បាប់ចំណាយខាងលើដែលទាក់ទិនដល់បណ្តាបញ្ហាអន្តោប្រវេសន៍ ក្នុងនោះមានការគាំទ្រហិរញ្ញវត្ថុពេញលេញសម្រាប់ផែនការកសាងរបងព្រំដែន និងការពាក្យអ្នកធ្វើអន្តោរប្រវេសន៍ខុសច្បាប់តាំងពីតូច ឬហៅថាជំនាន់ Dreamers ។ នៅឯព្រឹទ្ធសភាអាមេរិកវិញ នៅថ្ងៃដដែលថ្ងៃ ២៣ មីនា មានសំឡេងគាំទ្រ ៦៣ និងប្រឆាំង ៣២ ព្រឹទ្ធសភាអាមេរិកបានអនុម័តចំណាយថវិកាខាងលើ ១ថ្ងៃក្រោយពេលដែលវាឆ្លងផុតរដ្ឋសភា ដែលមានសំឡេងគាំទ្រ ២៥៦ សំឡេងគាំទ្រ ទល់នឹង ១៦៧ សំឡេងប្រឆាំង។
ថ្ងៃទី ២១ មីនា កន្លងមក មេដឹកនាំសភាទាំងពីររបស់អាមេរិក បានព្រមព្រៀងគ្នាចំពោះពង្រាងច្បាប់ចំណាយដែលមានទឹកប្រាក់រហូតដល់ ១.៣០០ ពាន់លានដុល្លារ ក្នុងនោះសម្រាប់វិស័យយោធាគឺ ៦៩៥ ពាន់លានដុល្លារ និងវិស័យផ្សេងទៀត ៥៩១ ពាន់លានដុល្លារ៕ សូយន