បន្ទាយមានជ័យ ៖ ដីសម្បទានសង្គមកិច្ចទុកបម្រុងសម្រាប់ចែកជូនអតីតយុទ្ធជនចំណុចដី២២២២ហិកតាស្ថិតចំណុងភូមិស្រុកថ្មពួក ស្រុកស្វាយចេក ស្រុកភ្នំស្រុក ខេត្តបន្ទាយមានជ័យ ត្រូវបានជនខិតខូចមួយចំនួន បានមកបំផុសប្រជាពលរដ្ឋឲ្យទៅរស់នៅនិងធ្វើផ្ទះធ្វើខ្ទមយ៉ាងអនាធិបតេយ្យ។ ពាក់ព័ន្ធករណីនេះ កងកម្លាំងចម្រុះ បានចុះរុះរើផ្ទះនិងខ្ទមអនាធិបតេយ្យចំនួន៨៣ខ្នង ថ្ងៃទី២៣ ខែមីនា ឆ្នាំ២០១៨។
លោកឧត្តមសេនីយ៍ត្រី ភ្លន់ តារ៉ា មេបញ្ជាការរងយោធភូមិភាគទី៥ និងជាមេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ បានឲ្យដឹងថា ដោយមានការណែនាំដ៏ខ្ពង់ខ្ពស់ពីលោកនាយឧត្តមសេនីយ៍ គន់ គីម អគ្គមេបញ្ជាការរងកងយោធពលខេមរភូមិន្ទ និងជានាយសេនាធិការចម្រុះ និងជាអនុប្រធានសមាគមន៍អតីតយុទ្ធជនកម្ពុជា ដើម្បីរៀបចំដីធ្លីសម្បទានសង្គមកិច្ចជូនបងប្អូនអតីតយុទ្ធជនខេត្តបន្ទាយមានជ័យ នៅចំណុចដីក្នុងភូមិ៣ស្រុកមានថ្មពួក ស្វាយចេក ភ្នំស្រុក ដែលមានផ្ទៃដីទំហំ២២២២ហិតា។
លោកបានបញ្ជាក់ថាចំណុចដីសម្បទាននោះ លោក សួន បវរ អភិបាលខេត្តបន្ទាយមានជ័យ បានដាក់វិធានការដល់កម្លាំងចម្រុះចំនួន៧២នាក់ មានកម្លាំងយោធានិងកម្លាំងកងរាជអាវុធហត្ថ កម្លាំងនគរបាល បានចុះទៅណែនាំនិងរុះរើផ្ទះនិងខ្ទមអនាធិបតេយ្យចំនួន៨៣ខ្នង និងរុះរើដោយកម្លាំងចម្រុះចំនួន៦២ខ្នង និងសុំរុះរើដោយខ្លួនឯងចំនួន២១ខ្នង៕ ដោយ៖បញ្ញាស័ក្តិ
