«គ្រូស្នេហ៍ពស់» ម្នាក់បានស្លាប់យ៉ាងអាណោចអាធម បន្ទាប់ពីត្រូវពស់ថ្លាន់របស់ខ្លួន រុំរឹតករហូតដាច់ខ្យល់ ខណៈកំពុងសម្តែងនៅលើដងផ្លូវមួយកន្លែង នៅក្នុងប្រទេសឥណ្ឌា ។
នៅក្នុងវីដេអូ បានបង្ហាញឲ្យឃើញ ដំបូងឡើយ បុរសម្នាក់បានដាក់ពស់ថ្លាន់ដ៏ធំ រុំនឹងករបស់គាត់ ដើម្បីសម្តែងនៅអែបនឹងរបងផ្លូវ ។ ការសម្តែងរបស់គាត់ នៅពេលនោះ បានទាក់ទាញមនុស្សម្នាមកចោមរោមមើលយ៉ាងច្រើនកុះករ ។
ប៉ុន្តែ ជាអកុល បន្ទាប់ពីសម្តែងពុំបានប៉ុន្មានផង ស្រាប់តែគាត់ឱនអង្គុយចុះសន្សឹម និងដំទីងក្បាលភ្ជុចនឹងដីតែម្តង បន្ទាប់ពីត្រូវពស់ថ្លាន់នោះ ព្យាយាមរឹតករបស់គាត់យ៉ាងខ្លាំង ។ ពស់នេះបានធ្វើឲ្យគាត់ពុំអាចដកដង្ហើមបាន រហូតដាច់ខ្យល់ស្លាប់នៅលើដងផ្លូវគួរឲ្យអាសូរបំផុត ខណៈពួកអ្នកទស្សនាបានត្រឹមឈរមើល ជំនួសឲ្យការជួយសង្គ្រោះទៅវិញ ។
បើទោះក្រោយមក បុរសរូបនេះត្រូវបានគេបញ្ជូនទៅសង្គ្រោះមន្ទីរពេទ្យ ប៉ុន្តែ គ្រូពេទ្យបានបញ្ជាក់ថា គាត់បានស្លាប់ទៅហើយ ៕ ចន្ទី
