ខេត្តសៀមរាប ៖ ចាប់ខ្លួនជនសង្ស័យម្នាក់ជាកម្មករ ដែលរឹតកសម្លាប់ថៅកែរបស់ខ្លួន ប្លន់ យកម៉ូតូបានមួយគ្រឿង រួមទាំងលុយដុល្លារមួយចំនួន កាលពីនាទី ថ្ងៃទី២៥ ខែមីនា ឆ្នាំ២០១៨ វេលាម៉ោង ១២និង៣០នាទី ស្ថិតនៅចំណុចទំនប់៧៨ ក្នុងភូមិក្រសាំងរលើង សង្កាត់សៀមរាប ក្រុងសៀមរាប ខេត្តសៀមរាប។
សមត្ថកិច្ចមូលដ្ឋានបានឲ្យដឹងថា ជនសង្ស័យមានឈ្មោះ សឿន សុលាភ ហៅ វីត ភេទប្រុស អាយុ២០ឆ្នាំ មុខរបរ កម្មករបូមលូបង្គន់ នឹងដើរបិទស្លាកបូមលូ និងលេខទូរស័ព្ទ នៅតាមផ្លូវសាធារណៈ។ ចំណែកស្ត្រីរងគ្រោះឈ្មោះហន ពៅធីតា អាយុ៣២ឆ្នាំ ជាថៅកែបូមលូបង្គន់។
មុនពេលកើតហេតុគឺស្ត្រីជាថៅកែបានឌុបកម្មករដើម្បីដើរបិទស្លាកបូមលូ និងលេខទូរស័ព្ទ នៅតាមផ្លូវសាធារណៈ នៅពេលថៅកែស្រីឌុបកម្មករជាជនដៃដល់ មកដល់កន្លែងកើតហេតុ ឃើញផ្លូវស្ងាត់ ជនសង្ស័យក៏ធ្វើសកម្មភាពយកដៃរឹតក ហើយធ្វើឲ្យថៅកែឈប់ដួលទៅលើដី ហើយកម្មករក៏បានយកម៉ូតូមួយគ្រឿង និងកាបូបស្ពាយមានលុយ ១៣១៥ដុល្លារ លុយខ្មែរ ១.១៤០.០០០ នឹងគ្រឿងអលង្ការមួយចំនួនធំទៀត។
ក្រោយពេលកើតហេតុសមត្ថកិច្ចតាមចាប់ជនសង្ស័យបានមកវិញភ្លាម នឹងដកហូតបានសម្ភារៈនិងលុយកាក់មកវិញ៕ ដោយ ៖ បញ្ញាស័ក្តិ
