បណ្តាញសង្គមធំបំផុតពិភពលោកប្រកាសថា បានលុបចោលវីដេអូឃ្លីបមួយដែលពោរពេញដោយសោកនាដកម្មក្នុងគ្រួសារ ក្នុងនោះបុរសជាឪពុកបានសម្រេចធ្វើអត្តឃាតព្រោះតែថ្នាំងថ្នាក់ជាមួយប្រពន្ធកូន។
Ayhan Uzun អាយុ៥៤ឆ្នាំ រស់នៅ Kayseri តំបន់ភាគកណ្តាលប្រទេសព័រទុយហ្គាល់ នៅថ្ងៃ២៤ខែ១០កន្លងទៅ នេះកំពុងនិយាយ livestream របស់ Facebook ក៏ស្រាប់តែទាញកាំភ្លើងខ្លីមួយដើមចេញ។
“លាហើយខ្ញុំចាកចេញទៅហើយ” Uzun និយាយ នេះបើតាម Mirror ។ លោកបានសម្រេចចិត្តបញ្ចប់ឆាកជីវិតព្រោះតែកូនស្រីបានសម្រេចរៀបការដោយពុំសុំការអនុញ្ញាតពីលោកមុន ។ Uzun ទើបដឹងពីការសម្រេចចិត្តរៀបការតាមរយៈភរិយាទូរស័ព្ទ ។ “ពុំមាននរណាម្នាក់សួរយោបល់ខ្ញុំ។ ពុំមាននរណាម្នាក់និយាយថា ខ្ញុំកំពុងរស់នៅទីនេះ” លោករអ៊ូរទាំ។ “ខ្ញុំពុំចង់ឲ្យពួកមនុស្សដែលធ្វើឲ្យខ្ញុំធ្លាក់ក្នុងស្ថានភាពបែបនេះមកចូលរួមក្នុងពិធីបុណ្យសពរបស់ខ្ញុំទេ”។
អ្នកនាំពាក្យ Facebook ឲ្យដឹងថា ក្រុមហ៊ុនមានទុក្ខព្រួយព្រោះសោកនាដកម្មនេះ ហើយបានលុបវីដេអូឃ្លីបនេះចោលហើយ៕ ដោយ ៖ សូយន
