ភ្នំពេញ៖ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៨ខែមីនាឆ្នាំ២០១៨នេះ បានសេចក្តីប្រកាសព័ត៌មាន បង្ហាញពីលទ្ធផល នៃជំនួបសំណេះសំណាលរវាងលោក ប្រាក់ សុខុន និងលោកស្រី Pauline Tamesis ក៏ដូចជាការបង្ហាញនូវជំហរ ដើម្បីបន្តកិច្ចសហប្រតិបត្តិការរវាងកម្ពុជា និងទីភ្នាក់ងារអង្គការសហប្រជាជាតិ។
បើតាមការចេញផ្សាយរបស់សក្រសួងការបរទេសកម្ពុជា ការបញ្ជាក់ជំហរបន្តកិច្ចសហប្រតិបត្តិការនេះ បានធ្វើឡើងក្នុងជំនួបសម្តែងការគួរសម និងសំណេះសំណាលការងារមួយរវាងលោកទេសរដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកស្រី Pauline Tamesis ក្នុងឋានៈជាតំណាងថ្មីនៃកម្មវិធីអភិវឌ្ឍន៍អង្គការសហប្រជាតិប្រចាំកម្ពុជា (UNDP Resident Representative) និងជាអ្នកសម្របសម្រួលប្រព័ន្ធអង្គការសហប្រជាតិនៅកម្ពុជា (UN Resident Coordinator) នៅថ្ងៃទី២៧ ខែមីនា ឆ្នាំ២០១៨៖