សេដ្ឋី Chen Sheng ជាស្ថាបនិកក្រុមហ៊ុនទឹកភេសជ្ជៈ Tiandi No.1 Beverage Inc ព្រោះតែចង់ជួយឲ្យប្រជាជននៅស្រុកកំណើតរបស់លោក នាភូមិ Quan Ho ខេត្តក្វាងទុង ឲ្យមានផ្ទះម្នាក់មួយខ្នងរស់នៅឲ្យសុខស្រួល លោកបានចំណាយប្រាក់សរុបប្រមាណ ២០០ លានយាន់ (ប្រមាណ 31.796000) ដើម្បីសាងសង់ភូមិគ្រឹះចំនួន ២៥០ខ្នង បំពាក់ដោយឧបករណ៍ប្រើប្រាស់គ្រប់គ្រាន់ ហើយក្នុង១ខ្នងៗ មានផ្ទៃក្រឡា ២៨០m² ក្នុងភូមិគ្រឹះនីមួយៗ។
ភូមិគ្រឹះនេះមានបន្ទប់ដេក ៥ បន្ទប់ទទួលភ្ញៀវ ២ ការាសឡាន១ ព្រមទាំងសួនច្បារតូចមួយផងដែរ ។ នៅក្នុងតំបន់ភូមិគ្រឹះក៏មានរៀបចំកន្លែងលេងកីឡា និងឆាកសម្តែងសិល្បៈថែមទៀតផង។
សំណង់ទាំងនោះត្រូវបានធ្វើរួចរាល់តាំងពីចុងឆ្នាំ ២០១៧មកម្លេះ ប៉ុន្តែពីពេលនោះមក ពុំទាន់មានអ្នកភូមិណាម្នាក់មករស់នៅទីនេះនៅឡើយទេ។ មូលហេតុពិតជាគួរឲ្យអស់សំណើច ព្រោះតែពួកគេ “រវល់” ដណ្តើមគ្នាយកផ្ទះមួយណា ហើយគ្រួសារនីមួយៗទទួលបានផ្ទះប៉ុន្មានខ្នង ។
តំបន់ភូមិគ្រឹះដ៏ល្អស្អាតដែលលោក Chen បានកសាង ។
លោក Chen បានឲ្យដឹងថា ចំនួនភូមិគ្រឹះដែលលោកកសាងគឺផ្អែកតាមរបាយការណ៍ជាក់ស្តែងនៅភូមិកំណើតរបស់លោកនៅឆ្នាំ ២០១៣ ។ ពេលនោះក្នុងភូមិកំណើតរបស់លោកមានគ្រួសារទាំងអស់ចំនួន ១៩០គ្រួសារ ។ យ៉ាងនេះក្តីលោក Chen នៅបានសាងសង់លើសបន្ថែមចំនួន ៦០ផ្ទះទៀត ។ ប៉ុន្តែ នៅពេលសំណង់សាងសង់រួច ប្រជាជនក្នុងភូមិចាប់ផ្តើមធ្វើ (ញ្ញតិ) ទាមទារបន្ថែមដោយថា គ្រួសាររបស់គេរីកធំជាងមុន ចាំបាច់ត្រូវមានផ្ទះច្រើនជាង១ខ្នង ទើបរស់នៅបាន។
វិវាទដណ្តើមទីតាំងផ្ទះក៏ដូចជា “សំណូមពរ” ខាងលើធ្វើឲ្យលោក Chen ពិតជាពិបាកចិត្ត និងអស់សង្ឃឹម។ លោកពោលថា ៖ ពេលខ្ញុំត្រឡប់ទៅភូមិកំណើតអ្នកភូមិចាប់ផ្តើមលើកឡើងរាប់ពាន់សំណើរ ។ ឥឡូវខ្ញុំលែងចង់ទៅកាន់ទីនោះទៀតហើយ ៕ ចន្ទ្រា