គាត់អាយុដល់ទៅ ៧២ឆ្នាំ នៅស្រុកគុយបូរី ក្នុងខេត្តប្រាជួបគីរីខាន់ ប្រទេសថៃ ប៉ុន្តែរឹងមាំដូចក្មេង អាយុ១៨ ការឡើងដើមស្លាគឺជាវិធីជីវិតរបស់គាត់ បានន័យថា នេះជារបរមួយដែលគាត់មានសេចក្តីសុខនឹងធ្វើវា គាត់មានកូន និងចៅ ចាំមើលថែ តែដោយពួកគេជាអ្នកចម្ការដូចនេះមិនសូវចេះនៅផ្ទះមួយកន្លែងនោះទេ ជាទម្លាប់ទៅហើយដែលអ្នកចម្ការចូលចិត្តការដាំដុះដែលលោកយាយចូលចិត្តការឡើងដើមស្លា ហើយក៏ធ្លាប់ទៅប្រឡងឡើងដើមដូងជាមួយនឹងក្មេងប្រុសៗក្នុងភូមិដែរ ។
គាត់ឡើងទៅបេះស្លាទាំងធ្លាយៗ មានត្រឹមតែកូនកាំបិតមួយជាប់ខ្លួនប៉ុណ្ណោះ គាត់ឡើងពីដើមមួយយោលខ្លួនទៅតោងដើមមួយទៀត ជួនកាលគាត់តោង ៣-៤ដើម ចូលគ្នាដើម្បីងាយស្រួលក្នុងការកាត់ស្លាទម្លាក់ ធ្វើដូច្នេះទើបមិនចំណាយពេលឡើងចុះច្រើន ប៉ុន្តែការយោគខ្លួនលើចុងស្លា អ្នកធម្មតាធ្វើមិនកើតទេ វាជាជំនាញពិសេសផ្ទាល់ខ្លួនរបស់លោកយាយ។ ក្នុង១ថ្ងៃលោកយាយឡើងដើមស្លា ៥០ដើម ប៉ុន្តែ១អាទិត្យឡើងតែ១ដងទេ៕ ក្ខិណី