ប្រិយមិត្តជាច្រើន ជឿថាបានស្គាល់រួចហើយ អ្នកនាង ផនសុផារី ដែលជាអ្នកសម្តែងល្ខោនបាក់ពោរពេញទៅដោយទេពកោសល្យ និងជាពិសេសនោះ អ្នកនាងគឺជាកូនស្រីបង្កើតរបស់ថៅកែល្ខោនបាក់សាក់ដ៏ល្បីល្បាញ ភី សុគន្ធី តែម្តង។
ពិតណាស់ ក្រៅពីអាជីពអ្នកសិល្បៈសម្តែងល្ខោន និងចេញច្រៀងអកកេះ របស់វង់តន្រ្តីម្តាយម្តងម្កាល អ្នកនាង ផន សុផារី ក៏ងាកមកចាប់មុខរបរលក់ផលិតផលថែរក្សាសម្ផស្សតាមអនឡាញ ដែលទទួលបានការគាំទ្រច្រើនគួរសម ពីអតិថិជនផងដែរ។
តែដោយឡែក ងាកមកចាប់អារម្មណ៍ជីវិតគ្រួសារវិញ ថ្មីៗនេះ អ្នកនាង ផន សុផារី បានធ្វើឲ្យអ្នកគាំទ្រ និងក៏ដូចជាមហាជនដែលប្រើប្រាស់បណ្តាញសង្គមហ្វេសប៊ុកជាច្រើន ពិតជាមានការភ្ញាក់ផ្អើលយ៉ាងខ្លាំងតែម្តង បន្ទាប់ពីអ្នកនាងបានបង្ហោះរូបថតកាដូជាច្រើនសន្លឹក ពីបងប្អូនសាច់ញាតិជុំវិញទិស និងជាពិសេសនោះគឺកាដូដ៏ធំធេងពីស្វាមីរបស់អ្នកនាង ដែលមានទឹកប្រាក់ចំនួន 55,555.55 USD សម្រាប់ថ្ងៃខួបកំណើតរបស់អ្នកនាងនៅឆ្នាំនេះ។
អ្វីដែលរឹតតែពិសេសទៀតនោះ គឺនៅក្នុងនោះស្វាមីរបស់នាង ក៏បានពោលពាក្យយ៉ាងផ្អែមល្ហែម និងប្រាប់ពីដំណឹងដ៏គួរឲ្យរំភើបជំនួសមួយនេះយ៉ាងដូច្នេះថា៖ «រីករាយថ្ងៃខួបកំណើតប្រពន្ធសម្លាញ់ បងសូមជូនពរអូនសុខភាពល្អ សម្រស់កាន់តែស្អាត ជាពិសេសបងសូមផ្សងងោយសម្រេចក្តីស្រម៉ៃផ្ទះធំរបស់ពួកយើង។ ឆ្នាំនេះយើងឆ្ងាយគ្នាណាស់ សុំទោសដែលមួយរយៈនេះ មិនបានមើលថែអូន និងកូន អោយបានល្អ ព្រោះតែការងារ… បងសង្ឃឹមថា យើងនឹងបានជួបគ្នាឆាប់ៗនេះ ជាមួយផ្ទះថ្មីរបស់ពួកយើង រីករាយថ្ងៃខួបកំណើត អូនសម្លាញ់ បងស្រឡាញ់អូន និងកូនៗយើងខ្លាំងណាស់»៕ រក្សាសិទ្ធិដោយ៖ លឹម ហុង
