Saturday, December 3, 2022

ឃាត់ខ្លួន​ជន​៣​នាក់ ករណី​បាញ់សម្លាប់​២​នាក់​ប្ដី​ប្រពន្ធ ដោយសារ​គំនុំ​និង​ប្លន់​យកលុយ​១៥០​លាន​រៀល និង​គ្រឿងអលង្ការ​សរុប​ជាង​៥​ម៉ឺន​ដុល្លារ​

spot_img

ខេត្តកំពង់ធំ ៖​សមត្ថកិច្ច​ចាប់ខ្លួន​ជនសង្ស័យ​៣​នាក់​ដែល​បាន​បាញ់សម្លាប់​ប្តី​ប្រពន្ធ​ពីរ​នាក់​បាន​ហើយ​នៅ​ថ្ងៃទី​២៥ ខែតុលា ឆ្នាំ​២០១៧​ក្រោយពេល​ពួកគេ​ធ្វើ​សកម្មភាព​បាញ់ប្រហារ​កា​លពី​យប់​ថ្ងៃទី​២០ ខែតុលា ឆ្នាំ​២០១៧​។ តែ​ទោះបីជា​យ៉ាងណាក៏ដោយ រហូតមកដល់​រសៀល​ថ្ងៃទី​២៧ ខែតុលា ឆ្នាំ​២០១៧​ជនសង្ស័យ​មិនបាន​ឆ្លើយ​សារភាព​ការពិត​ទេ ចេះតែ​ឆ្លើយ​បង្វែងដាន​តែមាន​ចំណុច​មួយចំនួន​ក៏​ជាប់​ពាក់ព័ន្ធ​ករណី​ឃាតកម្ម​បាញ់សម្លាប់​ជនរងគ្រោះ​។​

​តែ​សមត្ថកិច្ច​បានបញ្ជាក់​យ៉ាងច្បាស់​ថា​៖ យោងតាម​ការចុះ​ស្រាវជ្រាវ​ជនសង្ស័យ​ម្នាក់​ក្នុងចំណោម​៣​នាក់​រកឃើញថា វា​ជា​រឿង​គំនុំ​ដោយសារតែ​ពីមុនមក​ជនសង្ស័យ​ឈ្មោះ អៀង ពន ភេទ​ប្រុស អាយុ​៤៣​ឆ្នាំ កាលពីមុន​គឺជា​អ្នកមើលការខុសត្រូវ​នៅក្នុង​រោងចក្រ​កៅស៊ូ​ក្រែប​របស់​អាណិកជន​ខ្មែរ​រស់នៅ​ប្រទេស​ជប៉ុន​។ តែ​ដោយសារតែ​ជនសង្ស័យ​កាលពី​គេ​នៅ​ធ្វើជា​មេការ​ក្នុង​រោងចក្រ​ធ្លាប់បាន​គេង​ប្រវ័ញ្ច​ស៊ីលុយ​ចំណេញ​ក្រៅ​ធ្វើ​ឲ្យ​បាត់បង់​ទំនុកចិត្ត​ត្រូវ​ម្ចាស់​រោងចក្រ​ដក​សេចក្ដីទុកចិត្ត​។ លុះ​ក្រោយមក​ជនរងគ្រោះ​២​ប្តី​ប្រពន្ធ​ខាងលើ​បានមក​ដេញថ្លៃ​នៅ​រោងចក្រ​នេះ​រហូត​បាន​ក្លាយជា​អ្នកមើលការខុសត្រូវ​ក្នុង​រោងចក្រ​កៅស៊ូ​ក្រែប​នោះ​វិញ ។​ចំណែក​ជនសង្ស័យ​ចៅ​កែ​ឲ្យ​នៅ​ធ្វើការ​ដដែល​តែ​មិនមាន​សិទ្ធ​គ្រប់​គ្រង់​លុយកាក់ និង​ការទិញ​លក់​ដូច​ពីមុន​ទៀត​ទេ មិនអាច​រកលុយ​ក្រៅ​បាន​ដែលជា​ហេតុ​ធ្វើ​ឲ្យ​ជនសង្ស័យ​មាន​គំនុំ​ជាមួយ​ជនរងគ្រោះ ។​

​សមត្ថកិច្ច​បន្តទៀតថា​៖ ចំណែក​រឿង​គេ​សារភាពថា​ប្លន់​យកលុយ​អស់​ជាង​៣០​លាន និង​គ្រឿងអលង្ការ​សរុប​ជា​៥​ម៉ឺន​ដុល្លារ​វា​មិនមែនជា​រឿង​ពិត​នោះទេ​។ ពីព្រោះ​តាម​ការស្រាវជ្រាវ កាលពី​ព្រឹក​ថ្ងៃកើតហេតុ​ជនរងគ្រោះ​ពីរ​នាក់​ប្តី​ប្រពន្ធ​បាន​យកលុយ​ចំនួន​១៥០​លាន​ទៅ​បង់​ឲ្យ​ថៅកែ​ទូរ​ទាត់​សង​ថ្លៃ​ជ័រកៅស៊ូ​អស់ហើយ​មាន​ទាំង​វិក្កយបត្រ​បញ្ជាក់​ទៀតផង​។ ដូច្នេះ ករណីនេះ​សមត្ថកិច្ច​កំពុងតែ​ស្រាវជ្រាវ​បន្តរ​ទៀត ក្រែង​លរ​មាន​ជន​នៅ​ពី​ក្រោយខ្នង​នៃ​រឿង​ឃាតកម្ម​នេះ ៕ ដោយ​៖​ជាលី​