សូមរម្លឹកថា កាលពីពេលថ្មីៗនេះ ថ្ងៃទី១៣ ខែកញ្ញា ឆ្នាំ២០២១ អ្នកលក់ឡេ អាជី (Ah Gi Leader) បានទទួលធ្វើបទសម្ភាសន៍ជាមួយលោក អឹុម ជីវ៉ា ក្រោយទទួលថតឲ្យសម្អាងការមួយស៊ីថ្លៃខ្ពស់កប់ពពក ៣ ម៉ឺនដុល្លារ ក្នុង១ខែ។
ទន្ទឹមនិងការបង្ហើបឲ្យដឹងពីតម្លៃខ្លួនថតឲ្យសម្អាងការ ស៊ីថ្លៃលើសអស់តារាៗលំដាប់កំពូលស្រុកខ្មែរល្បីរាប់ឆ្នាំ អ្នកលក់ឡេដ៏មានអំនួតរូបនេះ បាននិយាយលើកតម្លើងខ្លួនឯងថា មួយតួខ្លួនស្អាតបែបធម្មជាតិសុទ្ធសាធ គឺសូម្បីតែងើបពីដេកអត់ងូតទឹក ក៏ស្អាតដែរ។ លើសពីនេះ អាជី ក៏បានលើកខ្លួនឯងសឹងស្មើមេឃថា ក្នុងចំណោមមនុស្សស្រី ១០ នាក់ គឺរូបនាងស្អាតលើសគេ ៩ នាក់ហើយ។
ពិតណាស់ ក្រោយពីបានឃើញ អាជី អួតលើកតម្កើងរូបសម្រស់ខ្លួន ហាក់គ្មានមនុស្សស្រីណាប្រៀបស្មើបែបនេះ បានធ្វើឲ្យមហាជនលឺហើយចង់គាំង ព្រោះតែ អាជីស្អាតខ្លាំងពេក ស្អាតដល់ថ្នាក់អ្នកខ្លះចង់ក្អួត។
ដោយឡែក ងាកមកចាប់អារម្មណ៍ តារាចម្រៀងកញ្ញា រតនៈ ពិសី ឯណេះវិញ ក្រោយឃើញព័ត៌មាន អាជី ល្បីរន្ទឺខ្លាំងឡើងៗ កញ្ញាក៏បានប្រឡូយពាក្យតាមគេតាមឯងដាក់បន្ថែមត្រង់ៗថា៖ «គាត់ស្អាតស្រាប់ហើយ ថ្ងៃក្រោយសម្អាងការជួលគាត់ថត មិនបាច់ចំណាយពេលផាត់មុខទេ គាត់ស្អាតធម្មជាតិស្រាប់»។ កញ្ញា រតនៈ ពិសី ក៏បានបន្ទរទៀតថា ខ្លាំងណាស់ បងបង សារពត៍មាន តិចគេប៉ាចោរអូនទៅ បើគេស្អាតធម្មជាតិ តាំងពីដើមស្រាប់មែន បើមិនជឿឆែកប្រ៊ូហ្វ្រាល់ រូបគាត់ពីមុនមុនមកមើល៕ រក្សាសិទ្ធិដោយ៖ លឹម ហុង
