ប្រទេសសេដ្ឋកិច្ចធំបំផុតទាំងពីរ និងប្រទេសអ្នកបំពុលបរិយាកាសកាបូនធំជាងគេបំផុតនៅលើពិភពលោក បានប្រកាសពីការវាយប្រហារហិរញ្ញវត្ថុដាច់ដោយឡែកពីគ្នា លើការប្រែប្រួលអាកាសធាតុកាលពីថ្ងៃពុធ។
ប្រធានាធិបតីចិន លោកស៊ី ជីនពីងបាននិយាយថា ប្រទេសរបស់លោកនឹងលែងផ្តល់មូលនិធិដល់រោងចក្រថាមពលដើរដោយធ្យូងថ្មនៅបរទេសដែលធ្វើឱ្យពិភពលោកភ្ញាក់ផ្អើលអំពីអាកាសធាតុ២ឆ្នាំជាប់ៗគ្នានៅឯមហាសន្និបាតអង្គការសហប្រជាជាតិទៀតហើយ។
បញ្ហានេះ បានកើតឡើងប៉ុន្មានម៉ោងបន្ទាប់ពីប្រធានាធិបតីអាមេរិកលោក ចូ បៃដិន បានប្រកាសអំពីការ
ផ្តល់ជំនួយហិរញ្ញវត្ថុទ្វេដងដល់ប្រទេសក្រីក្រ ដូច្នេះពួកគេអាចប្តូរទៅប្រើថាមពលស្អាតនិងទប់ទល់នឹងផលប៉ះពាល់កាន់តែអាក្រក់ទៅលើបំរែបម្រួលរបស់ពិភពលោក។
អ្នកជំនាញបាននិយាយថា នេះអាចផ្តល់នូវសន្ទុះខ្លះក្នុងការចរចាអាកាសធាតុសំខាន់ៗនៅទីក្រុង Glasgow ប្រទេសស្កុតលែន ក្នុងរយៈពេលតិចជាង ៦ សប្តាហ៍។ ការឈានដល់កិច្ចព្រមព្រៀងអាកាសធាតុរបស់ទីក្រុងប៉ារីសឆ្នាំ ២០១៥ ជាកិច្ចព្រមព្រៀងរួមគ្នារវាងអាមេរិកនិងចិនបានចាប់ផ្តើមការចរចាប្រកបដោយជោគជ័យ។ហើយនៅពេលនេះ ទំនាក់ទំនងចិន-អាមេរិកមានភាពតានតឹង ហើយក្នុងនោះ ប្រទេសទាំងពីរបានធ្វើការប្រកាសដាច់ដោយឡែកពីគ្នារាប់ម៉ោងនិងចំងាយរាប់ពាន់ម៉ាយល៍។
បើតាមយោងតាម the European climate think-tank E3G អាស្រ័យទៅលើ ពេលដែលគោលនយោបាយធ្យូងថ្មថ្មីរបស់ចិនចូលជាធរមាន ចិនអាចបិទរោងចក្រថាមពលចំនួន ៤៧កន្លែង ដែលបានគ្រោងទុកនៅក្នុងប្រទេសកំពុងអភិវឌ្ឍន៍ចំនួន ២០ ដែលប្រើប្រាស់ប្រេងឥន្ធនៈ និងបានបញ្ចេញឧស្ម័នកំដៅបំផុត ដែលមានចំនួនថាមពលធ្យូងថ្មដូចគ្នាទៅនឹងប្រទេសអាល្លឺម៉ង់ដែរ។
លោក Joanna Lewis អ្នកជំនាញរបស់ប្រទេសចិនផ្នែកថាមពលនិងអាកាសធាតុនៅសាកលវិទ្យាល័យ Georgetown បាននិយាយថា៖« វាជារឿងធំហើយចិនក៏ជាអ្នកផ្តល់ជំនួយធ្យូងថ្មក្រៅប្រទេសដ៏សំខាន់មួយផងដែរដែលនេះគឺជាសេចក្តីប្រកាសដែលមនុស្សជាច្រើនកំពុងរង់ចាំ។
លោក Byford Tsang អ្នកវិភាគគោលនយោបាយរបស់ក្រុមហ៊ុន E3G បាននិយាយថា ប្រទេសជប៉ុននិងកូរ៉េខាងត្បូងបានប្រកាសរួចហើយថា ពួកគេកំពុងចាកចេញពីអាជីវកម្មផ្តល់ហិរញ្ញប្បទានធ្យូងថ្មហើយប្រទេសចិន គឺជាប្រទេសធំជាងគេទីពីរ។
ប៉ុន្តែលោក Lewis បាននិយាយថា ទិន្នន័យផ្លូវការពីក្រសួងពាណិជ្ជកម្មចិនបានបង្ហាញថា មិនមានរោងចក្រធ្យូងថ្មថ្មីដែលផ្តល់ហិរញ្ញប្បទានដល់បរទេសនៅឆមាសទីមួយនៃឆ្នាំ ២០២១ ទេ។ លោក Tsang បាននិយាយថា អ្វីដែលសំខាន់គឺនៅពេលដែលប្រទេសចិនឈប់សាងសង់រោងចក្រធ្យូងថ្មថ្មីនៅក្នុងប្រទេសនិងបិទរោងចក្រចាស់ចោល។ លោកបន្តថា នោះគឺជាផ្នែកមួយនៃការជំរុញនៅក្នុងកិច្ចប្រជុំ G20 នៅប្រទេសអ៊ីតាលីនាខែក្រោយនេះ៕ ប្រភព៖
