ជឿជាក់ថា ប្រិយមិត្តនិងមហាជន បានស្គាល់រួចហើយលោក អាចារ្យអេ ជាស្ថាបនិកវិវិទ្យា ABC ដែលជាប៉ុស្តិ៍វិទ្យុមួយមានប្រជាប្រិយភាពខ្លាំង នៅក្នុងប្រទេសកម្ពុជា។
តែយ៉ាងណាមិញ ក្រឡេកមកមើលពីគ្រួសារវិញ នោះប្រិយមិត្តខ្លះក៏ធ្លាប់បានដឹង និងខ្លះទៀតក៏ពុំធ្លាប់បានដឹងនោះទេ។ តាមពិតទៅ លោក អាចារ្យអេ មានកូនចំនួន៣នាក់ (ស្រី២នាក់ និងប្រុសម្នាក់)។ ហើយក្នុងនោះ កូនស្រីច្បង និងកូនប្រុសបន្ទាប់ ត្រូវបានស្រទាប់យុវវ័យខ្មែរជាច្រើន ធ្លាប់បានស្គាល់ពីមុនរួចមកហើយ គឺតាមរយៈអ្នកទាំងពីរជា Youtuber ដ៏ល្បីឈ្មោះ។
បើតាមសង្កេតមើលទៅ កូនៗរបស់លោកអាចារ្យអេ ហាក់មានជីវិតឯករាជ្យជាខ្លាំង ដោយកូនស្រីច្បងឈ្មោះ Fern Seng សព្វថ្ងៃនេះ កំពុងបន្តការសិក្សានៅឯប្រទេសអូស្រ្តាលី ខណៈកូនប្រុស Fa Seng និងកូនស្រីពៅ កំពុងរស់នៅក្នុងទីក្រុងភ្នំពេញ។
លើសពីនេះ អ្វីដែលគួរឲ្យកោតសរសើរនោះ គឺពួកគេសុទ្ធតែជាយុវជនដែលមានចំណេះដឹងពូកែៗ ដោយអាចនិយាយបាន៣ភាសា ក្នុងនោះជាពិសេសគឺភាសាអង់គ្លេសយ៉ាងស្ទាត់ជំនាញតែម្តង។ ហើយមិនត្រឹមតែប៉ុណ្ណឹងទេ ពួកគេត្រូវបានដឹងថាមានសមត្ថភាពខាងផ្នែកបច្ចេកវិទ្យា ព្រោះថាពួកគេសុទ្ធតែធ្លាប់បានប្រឡូកក្នុងការធ្វើ Vlog តាំងពីនៅអាយុក្មេងៗ និងទទួលបានប្រជាប្រិយភាពខ្លាំងរហូតដល់សព្វថ្ងៃ៕ រក្សាសិទ្ធិដោយ៖ លឹមហុង
