ភាគហ៊ុនស្ទើរទាំងអស់នៅថ្ងៃអង្គារម្សិលមិញនេះបានធ្លាក់ចុះ ដោយចន្លោះនៃការធ្លាក់ចុះក្នុងមួយហ៊ុន នៃភាគហ៊ុនទាំងអស់នោះមានពី ១០ទៅ ១២០រៀល។
ក្នុងចំណោមនោះ អេស៊ីលីដា បាននាំមុខគេជាមួយនឹងការធ្លាក់ចុះចំនួន ១២០ រៀល បន្ទាប់មក ហ្ក្រេនធ្វីន ចំនួន ១០០រៀល និងកំពង់ផែស្វយ័តក្រុងព្រះសីហនុចំនួន ៦០រៀល មកបិទត្រឹម ១០.៩៤០រៀល ៤.៤០០រៀល និង ១៣.៦០០រៀលរៀងគ្នា។
ភាគហ៊ុនតំបន់សេដ្ឋកិច្ចពិសេសភ្នំពេញ បានរក្សាថ្លៃថេរដដែល។ ភាគហ៊ុន ឌីប៊ីឌី នៅលើទីផ្សារកំណើនវិញ មានការធ្លាក់ចុះតិចតួចជាងគេ ចំនួន ១០រៀល មក ២.២៧០រៀល ជាមួយនឹងតម្លៃជួញដូរ ៥២,៣៩លានរៀល។ តម្លៃជួញដូរនៅលើទីផ្សារគោលវិញគឺ ៧៨៨,៩ លានរៀល។ ការធ្លាក់ចុះរបស់ភាគហ៊ុនចំនួន ៥លើទីផ្សារគោលនេះ បណ្តាលឲ្យសន្ទស្សន៍ផ្សារមូលបត្រកម្ពុជាធា្លក់ចុះ ០,៨៧ ភាគរយមកត្រឹម ៤៨៦,៨០ពិន្ទុ៕