ថ្មីៗនេះ តារាសម្តែង និងជាពិធីករអ្នកនាង គង់ ចាន់ស្រីមុំ បានធ្វើឲ្យមហាជននិងក៏ដូចអ្នកគាំទ្រ មានការចាប់អារម្មណ៍ជាខ្លាំងតែម្តង បន្ទាប់ពីបានបង្ហោះរូបថតជាច្រើនសន្លឹក បង្ហាញពីទិដ្ឋភាពគ្រាដែលអ្នកនាង និងស្វាមី បានបង្ហាញភាពផ្អែមល្ហែមជាមួយគ្នា ប្រៀបដូចជាស្នេហាគ្រាដំបូងដ៏រោលរាល នៅក្នុងធម្មជាតិនៃទឹកជ្រោះដ៏ត្រជាក់ស្រឹប។
ពិតណាស់ ជាមួយគ្នានោះផងដែរ គង់ ចាន់ស្រីមុំ ក៏បានភ្ជាប់ Caption សរសើរប្តីឡើងផ្អែមថា៖ «អរគុណបងដែលផ្តល់គ្រប់យ៉ាងអោយអូន អូនជាមនុស្សស្រីម្នាក់ដែលសំណាងបានបងជាប្តី ផ្តល់អោយអូននូវភាពកក់ក្តៅ សេចក្តីសុខ ដែលមនុស្សស្រីគ្រប់គ្នាប្រាថ្នាចង់បាន រួមទាំងអូន សង្ឃឹមថាយេីងនឹងកាន់ដៃគ្នារហូតដល់ចាស់កោងខ្នង»។
តែទោះជាយ៉ាងណា ក្រៅពីមនុស្សជាច្រើនដែលលួចច្រណែន នឹងសេចក្តីសុខមួយនេះ ឃើញថាក៏មានមនុស្សមួយចំនួនតូច បែរហាក់មិនពេញចិត្តចំពោះការថតរូបបែបនេះនោះទេ។ ក្នុងនោះ បុរសម្នាក់ដែលមានគណនីហ្វេសប៊ុកឈ្មោះ Ra Dana ក៏បានចេញមកទើសចំពោះពាក្យពេចន៍ផ្អែមល្ហែមរបស់តារាស្រីរូបនេះ ដោយដាក់ឡើងបែបនេះថា «ឃ្លានេះខ្ញុំអានទៅដូចជានៅខ្វះៗពាក្យបន្តិចទៀត នាងគួរតែថែមពាក្យថា សេចក្តីសុខដែលមនុស្សស្រីចរិកថោកៗ ឬស្រីៗដែលល្មោភកាមដូចនាងខ្ញុំប្រាថ្នាចង់បានគ្រប់គ្នា ថែមពាក្យនេះទៅសុីនឹងរូបភាពតែម្តងហើយនាង»។
មិនចាំយូរ ក្រោយឃើញគណនីខាងលើ បានចេញមកទើសបែបនេះ ស្រាប់តែអ្នកនាង គង់ ចាន់ស្រីមុំ ឆ្លើយតបដាក់ឡើងកប់ៗទៅវិញថា៖ «នេះជារូបភាពសេចក្តីសុខគ្រួសារខ្ញុំ បេីកភ្នែកមេីលអោយច្បាស់ណាពួកបងៗអ្នកទេីស ហេីយកុំទៅណា កុំ unlike រឺ unfollow ខ្ញុំអីណា នៅបន្តរបេីកភ្នែកអោយធំៗ ធ្វេីបុណ្យអោយច្រេីនៗក្នុងរដូវភ្ជុំ ដេីម្បីបន្តរជីវិតមកមេីលសេចក្តីសុខដ៏កក់ក្តៅបែបរោលរាលរបស់គ្រួសារខ្ញុំបន្តរទៀតផង ។ អូ……ភ្លេច!កុំភ្លេចទៅមេីលធុងអង្ករខ្លួនឯងផងណា៎ ព្រោះរវល់តែគិតរឿងអ្នកដទៃច្រេីនពេកហេីយបេីខ្វះខាតស្បៀងអីអាចប្រាប់ខ្ញុំបាន ខ្ញុំជួយ ព្រោះខ្ញុំជាអ្នកចូលចិត្តធ្វេីបុណ្យស្រាប់ទៅហេីយ កុំខ្លាចចិត្តloveម៉ាមី ប៉ាប៉ា ថតអីថតទៅមិនមិនខ្ចីទៅណា ព្រោះអូនកំពុងជក់លេងដីខ្សាច់ហេីយ កុំរំខាន»៕ រក្សាសិទ្ធិដោយ៖ លឹម ហុង
