ជឿថាប្រិយមិត្តជាច្រើន ដែលជាអ្នកតាមដានពីជីវិតឯកជនតារាៗ បានស្គាល់រួចហើយ ពីអតីតតារាសម្តែងរូបស្រស់សិចស៊ី បេនី យ៉ាំង ដែលត្រូវបានមហាជនចាត់ទុកថា គឺជាកំពូលអ្នកលេងសម្រស់មួួយរូប ដែលបានឆ្លងកាត់មុខកាំបិតមិនតិចដងនោះទេ។
យ៉ាងណាមិញ ងាកមកចាប់អារម្មណ៍ពីជីវិតគូវិញ តារាស្រីរូបនេះ ក៏បានធ្វើឲ្យអ្នកគាំទ្រលួចច្រណែនមិនស្ទើរនោះទេ ដោយរូបនាង និងបុរសម្នាក់ជាគូស្នេហ៍ បើទោះជាពុំទាន់ចូលរោងការក៏ពិតមែន តែអ្នកទាំងពីរ តែងបង្ហាញភាពផ្អែមល្ហែម និងកំពុងរួមរស់ជាមួយគ្នាយ៉ាងមានក្តីសុខបំផុត ក្រោមដំបូលផ្ទះតែមួយប្រៀបដូចប្តីប្រពន្ធ។
ដោយឡែក ថ្មីៗនេះ អតីតតារាសម្តែងស្រីរូបនេះ បានធ្វើឲ្យអ្នកគាំទ្រ ស្រាប់តែធ្វើឲ្យគ្រប់គ្នាមានការភ្ញាក់ផ្អើលជាខ្លាំងតែម្តង ខណៈបង្ហោះរូបភាព១សន្លឹក ដោយភ្ចាប់សារយ៉ាងខ្លី first 5 week of… ដែលបញ្ចាក់ឲ្យដឹងថា ពេលនេះ នាងកំពុងមានផ្ទៃពោះកូនដំបូង ៥ សប្តាហ៍ហើយ។
ទន្ទឹមនេះផងដែរ ក្រោយពីបានឃើញការបង្ហោះនេះភ្លាម ហ្វេនៗរបស់អតីតតារាសម្តែងស្រីរូបនេះ មិនបង្អង់យូរ បានចូលខមិនសម្តែងនូវការអបអរសាទរដល់រូបនាងគ្រប់ៗគ្នាថា Congratulations bong, big congratulations je nop, 5week the same to me jj,…៕ រក្សាសិទ្ធិដោយ៖ លឹម ហុង
