កាលពីវេលាម៉ោងប្រមាណ ៦ ល្ងាចថ្ងៃទី១៤ ខែវិច្ឆិកា ឆ្នាំ២០២១ មានករណីគ្រោះអគ្គីភ័យមួយកើតឡើង បានបង្កឲ្យមានការភ្ញាក់ផ្អើលឆោឡោឡើងយ៉ាងខ្លាំងតែម្តង ហើយអ្វីដែលមិននឹកស្មានដល់នោះ គឺផ្ទះរងការឆាបឆេះនោះ គឺជាផ្ទះអ្នកគ្រូទាយម្នាក់ ស្ថិតនៅក្នុងភូមិភូមិតាងួនទី២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ហេតុការណ៍នេះផងដែរ ដែលត្រូវបានដឹងថាកើតឡើងដោយសារឆ្លងចរន្តអគ្គិសនី គឺពុំបានបណ្តាលឲ្យរងគ្រោះថ្នាក់ដល់អាយុជីវិតមនុស្សណាម្នាក់នោះទេ ប៉ុន្តែ បានបណ្តាលឲ្យរងការខូចខាតឆេះថ្មបេតុង ទំហំ ៥ម៉ែត្រ x ២០ម៉ែត្រ, ឆេះកង្ហារ ៣គ្រឿង, ពូកចំនួន២ និងសម្ភារៈមួយចំនួនទៀត។
សម្រាប់ប្រតិបត្តិការសង្គ្រោះ សមត្ថកិច្ចប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន ៣គ្រឿង ប្រើប្រាស់ទឹកអស់ ៣ឡាន ស្មើរនិង ១២ម៉ែត្រគូប ទើបរលត់ទាំងស្រុង នៅវេលាម៉ោង ៦និង៤០នាទីល្ងាចថ្ងៃដដែលផងដែរ។
តែយ៉ាងណាមិញ អ្វីដែលគួរឲ្យអស់សំណើចនោះ គឺនៅពេលបានដឹងថា គ្រោះអគ្គីភ័យនេះ ឆាបឆេះផ្ទះគ្រូទាយបែបនេះ អ្នកលេងបណ្តាញសង្គម បាននាំគ្នាផ្លែផ្កាបា.ញ់គ្រូទាយយ៉ាងឈឺៗថា៖ «សង្ស័យភ្លេចមើលជើងលេខខ្លួនឯង ថាថ្ងៃនេះមានរឿងអ្វីកើត, អ្នកគ្រូរវល់តែទាយឲ្យគេ អត់ទាយខ្លួនឯងផង មិនដឹងផ្ទះឆេះថ្ងៃណា, ធ្វើដល់ហោរាទាយហើយ តែអត់ដឹងខ្លួនឯងមានគ្រោះនៅថ្ងៃណាខែណាអុីចឹង, សង្ស័យទាយកុហក់គេពេក បានចឹង…»៕ រក្សាសិទ្ធដោយ៖ លឹម ហុង
