នេះជារឿងដ៏មិននឹកស្មាន និងក៏ចូលរួមសោកស្តាយជំនួសជាខ្លាំង ដែលបុរសម្នាក់ត្រូវសង្សារក្បត់ចិត្ត ទៅមានអ្នកថ្មី ក្រោយពីពួកគេទាំងពីរបានស្រឡាញ់គ្នាយ៉ាងប្តូរផ្តាច់ តស៊ូឆ្លងកាត់គ្រាលំបាកជាមួយគ្នា អស់រយៈពេលជិត ៥ ឆ្នាំ មកហើយ។
នេះបើតាមគណនីហ្វេសប៊ុកឈ្មោះ Richard Hann បានបង្ហោះរូបភាពជាច្រើនសន្លឹក និងវីដេអូកម្រអនុស្សាវរីយ៍ របស់ពួកខ្លួន និងភ្ជាប់សាររៀបរាប់យ៉ាងកំសត់ថា៖ «ហេតុអីអូនបំភ្លេចគ្រាលំបាកវេទនា ដែលយើងតស៊ូឆ្លងកាត់ជាមួយគ្នា យើងចាប់ដៃគ្នាតាំងពីកវែកកឆ្នាំង លុះឆ្លងកាត់ឧបសគ្គគ្រាលំបាក រហូតមានថ្ងៃនេះ ហេតុអីពេលនេះអូនក្បត់បង អូនចោលបង អូនចោលទាំងអនុស្សាវរី រយៈពេលជិត5ឆ្នាំកន្លងមកនេះ យើងមានឡាន មានផ្ទះ មានរបស់របរគ្រប់យ៉ាងដែលអូនចង់បាន តែពេលមានរបស់គ្រប់យ៉ាងអូនបែរជាបំភ្លេចគ្រាកំសត់ដែលធ្លាប់ហែលឆ្លងជាមួយគ្នា បងកំសាកណាស់ ពេលលំបាកបងកាន់ដៃអូនឆ្លងកាត់ឧបសគ្គគ្រប់យ៉ាង ផ្ទុយទៅវិញពេលមានគ្រប់យ៉ាងអូនទាត់បងចោលទៅមានអ្នកថ្មី។
ម៉ាក់ប៉ាបងប្អូនដឹងលឺទាំងសងខាង ហើយពួកគាត់ហួសចិត្តណាស់។ ជនទី3អើយ អ្នកសាហាវខ្លាំងណាស់ ឈានជើងចូលមកបំបែកគ្រួសារខ្ញុំ ធ្វើឲ្យមនុស្សស្រីម្នាក់ប្តូរចរិតពីមនុស្សស្លូតបូត ទៅជាមនុស្សម្នាក់ផ្សេង»។
តែទោះយ៉ាងណា នេះគ្រាន់តែជាការរៀបរាប់ឲ្យពីសំណាក់ខាងប្រុសប៉ុណ្ណោះ ហើយរឿងរ៉ាវស្ថិតនៅពីក្រោយ នៃការចែកផ្លូវគ្នារបស់អ្នកទាំងពីរ ដោយសារមូលហេតុអ្វីនោះ គឺមានតែខាងស្រីចេញមុខបកស្រាយទេ ទើបដឹងការពិតច្បាស់៕ រក្សាសិទ្ធិដោយ៖ លឹម ហុង