ភ្នំពេញ៖ ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនីព្រះមហាក្សត្រ នៃកម្ពុជា នៅព្រឹកថ្ងៃទី២៣ ខែមេសា ឆ្នាំ២០១៨ បានយាងជាអធិបតីភាព បើកសម័យប្រជុំដំបូងនីតិកាលទី៤ នៃព្រឹទ្ធសភា។
នាឱកាសនោះ ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃកម្ពុជាមានព្រះរាជបន្ទូលទៅកាន់សម័យប្រជុំ និងបង្ហាញការសាទរដ៏កក្តៅជូនដល់ សមាជិក សមាជិកា ព្រឹទ្ធសភាទី៤ ដែលបានរួមសាមគ្គីភាពគ្នា បំពេញតួនាទីក្នុងស្ថាប័ននីតិបញ្ញាតិកំពូល នៃព្រះរាជាណាចក្រកម្ពុជា ជំរុញឲ្យអំណាចរដ្ឋមានតុល្យភាព និងមានដំណើរការបានល្អប្រសើរ សំដៅការពារមូលដ្ឋានគ្រឹះ នៃរដ្ឋធម្មនុញ និងគោលការណ៍ នៃលទ្ធិប្រជាធិបតេយ្យ សេរីពហុបក្ស ព្រមទាំងសិទ្ធិសេរីភាព និងផលប្រយោជន៍ស្របច្បាប់របស់ប្រជាពលរដ្ឋគ្រប់ជ្ឈដ្ឋាន។
សម័យប្រជុំលើកដំបូងក្រោមអធិបតីភាពដ៏ខ្ពង់ខ្ពស់បំផុត របស់ព្រះមហាក្សត្រនៃកម្ពុជា ក៏មានការចូលរួមពីឥស្សរជនកំពូលៗ របស់កម្ពុជារួមមាន៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចពញាចក្រី ហេង សំរិន ប្រធានរដ្ឋសភា, សម្តេចក្រឡាហោម ស ខេង រដ្ឋមន្រ្តីក្រសួងមហាផ្ទៃ ព្រមទាំងមន្រ្តីជាន់ខ្ពស់ និងអង្គទូតនាផងដែរ៕ ដែន សីមា
(ខាងក្រោមនេះជាព្រះរាជសាររបស់អង្គព្រះមហាក្សត្រ..)
