Wednesday, February 21, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សម្តេច សាយ ឈុំ បោះឆ្នោត​ជាប់​ជា​ប្រធាន​ព្រឹទ្ធសភា សម្រាប់​អាណត្តិ​ទី​៤ ​

spot_img

​ភ្នំពេញ​៖ ក្នុង​សម័យប្រជុំ​លើកដំបូង​អាណត្តិ​ទី​៤ ក្រោម​ព្រះរាជា​អធិបតីភាព​ដ៏​ខ្ពង់ខ្ពស់​បំផុត​របស់​ព្រះមហាក្សត្រ សម្តេច​វិបុល​សេនា​ភក្តី សាយ ឈុំ ត្រូវបាន​បោះឆ្នោត​បន្ត​ជាប់​ជា​ប្រធានព្រឹទ្ធសភា សម្រាប់​អាណត្តិ​ទី​៤ ។​

​សមាជិក​ព្រឹទ្ធសភា​ទាំង​៦២​រូប បាន​បោះឆ្នោត​ជ្រើសរើស​ដាច់ដោយឡែក​ពីគ្នា​នូវ​ប្រធាន និង​អនុប្រធាន​២ នៅក្នុង​កិច្ចប្រជុំ​នា​ព្រឹក​ថ្ងៃ​ទី​២៣ ខែ​មេសា ឆ្នាំ​២០១៨​នេះ ដោយ​លោក នៃ ប៉េ​ណា ជា​អនុប្រធាន​ទី​១ និង​លោក ទេព ង​ន ជា​អនុប្រធាន​ទី​២ ។​

​សូមបញ្ជាក់​ថា ថ្នាក់ដឹកនាំ​និង​សមាជិក​ព្រឹទ្ធសភា​នីតិកាល​ទី​៤ ទាំង​៦២​រូប នឹង​អញ្ជើញ​ធ្វើ​សច្ចាប្រណិធាន​នៅ​ចំពោះ​ព្រះភ័ក្ត្រ​ព្រះ មហាក្សត្រ ព្រះភ័ក្ត្រ​នៃ​សម្តេចព្រះសង្ឃរាជ និង​ទេវតា​រក្សា​ស្វេតច្ឆត្រ នា​រសៀល​ថ្ងៃ​ទី​២៣ ខែ​មេសា ឆ្នាំ​២០១៨ វេលា​ម៉ោង​១៦​រសៀល នៅក្នុង​ព្រះទីនាំង​ទេវាវិនិច្ឆ័យ​ព្រះបរមរាជវាំង​។​

Advertisements

​ការបើក​សម័យប្រជុំ​លើកដំបូង​នេះ ត្រូវបាន​ធ្វើឡើង​ក្រោម​ព្រះរាជ​អធិបតីភាព​ដ៏​ខ្ពង់ខ្ពស់ ព្រះកុរណា ព្រះបាទ សម្តេចព្រះ​បរមនាថ នរោត្តម សីហ​មុនី ព្រះមហាក្សត្រ​កម្ពុជា ហើយក៏​មាន​ការចូលរួម ពី​ឥស្សរជន​ជាន់ខ្ពស់ មក​ពី​ស្ថាប័ន​ផ្សេងទៀត​ដូចជា សម្តេច​ពញា​ចក្រី ហេង សំរិន ប្រធានរដ្ឋសភា សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ព្រមទាំង​មន្ត្រី​ជាន់ខ្ពស់​មួយចំនួន​ទៀត​ផង​ដែរ​។​

​សូមបញ្ជាក់​ថា ព្រឹទ្ធសភា មាន​អាណត្តិ​៦​ឆ្នាំ​។ សមាជិក​ព្រឹទ្ធសភា មាន​ចំនួន​៦២​រូប ដែល​ស្មើនឹង​ពាក់កណ្តាល នៃ​សមាជិក​រដ្ឋសភា​។​

​ក្នុង​កិច្ចប្រជុំ​នោះ ព្រះមហាក្សត្រ មាន​ព្រះរាជបន្ទូល​ទៅកាន់​សម័យប្រជុំ ដោយ​សម្តែង នៃ​ក្តី​អំណរ​សាទរ​ដ៏​កក់ក្តៅ ថ្វាយ​និង​ជូន​សមាជិក សមាជិកា ព្រឹទ្ធសភា​ទី​៤ ដែល​ពិតជា​រួបរួម​សាមគ្គីភាព​គ្នា ដើម្បី​បំពេញ​នូវ​តួនាទី ក្នុង​ស្ថាប័ន​នីតិ​បញ្ញាតិ​កំពូល នៃ​ព្រះរាជាណាចក្រ​កម្ពុជា ធ្វើឱ្យ​អំណាច​រដ្ឋ​មាន​តុល្យភាព និង​ប្រព្រឹត្តិ​បាន​ល្អប្រសើរ សំដៅ​ការពារ​មូលដ្ឋានគ្រឹះ នៃ​រដ្ឋធម្មនុញ និង​គោលការណ៍ នៃ​លទ្ធិប្រជាធិបតេយ្យ សេរី​ពហុបក្ស ព្រមទាំង​សិទ្ធិ​សេរីភាព និង​ផលប្រយោជន៍​ស្របច្បាប់​របស់​ប្រជាពលរដ្ឋ​គ្រប់​ជ្ឈដ្ឋាន​។​

​ព្រឹទ្ធសភា​ព​នីតិកាល​ទី​៤ ត្រូវ​បន្ត​រួមចំណែក​ឲ្យ​កាន់តែស​កម្ម​ថែម​ទៀត ក្នុងការ​ពូន​ជ្រុំ​ប្រជាធិបតេយ្យ ភាវូបនីយកម្ម​សង្គម​ថ្នាក់ជាតិ និង​ថ្នាក់​មូលដ្ឋាន សំដៅ​ធានា​ការអភិវឌ្ឍ​សេដ្ឋកិច្ចសង្គម ផលប្រយោជន៍​ទូទៅ ព្រម​ទាំង​គុណភាព​នៃ​ជីវភាព​រស់នៅ​របស់​ប្រជាពលរដ្ឋ​គ្រប់​មជ្ឈដ្ឋាន​។ ឈរ​លើ​អត្តសញ្ញាណ​ជា​តំណាង​ផ្ទាល់​ឲ្យ​ក្រុមប្រឹក្សា​ឃុំ​សង្កាត់ ព្រឹទ្ធសភា​នីតិកាល​ទី​៤ ត្រូវ​ខិតខំ​រួមចំណែក​ជំរុញ​ឲ្យ​ការអនុវត្ត​គោលនយោបា​យ វិមជ្ឈការ និង​វិសហមជ្ឈការ​នៅ​កម្ពុជា កាន់តែ​មាន​សន្ទុះ​រីកចម្រើន ថែម​ទៀត ដើម្បី​កាត់បន្ថយ​ភាពក្រីក្រ​របស់ ប្រជាពលរដ្ឋ និង​ការគ្រប់គ្រង​សេដ្ឋកិច្ចសង្គម វប្បធម៌ ប្រព្រឹត្តទៅ​ដោយ​សមធម៌ មាន​តម្លាភាព និង​គណនេយ្យភាព ក្នុង​ក្របខ័ណ្ឌ​អភិបាលកិច្ច​ល្អ និង​នីតិរដ្ឋ​ពិតប្រាកដ​។ ជាមួយគ្នានេះដែរ ព្រឹទ្ធសភា​ត្រូវ​ធានា​ការពារ​យុត្តិធម៌ និង​គោរព​សិទ្ធិមនុស្ស ដើម្បី​បង្កើតឡើង​នូវ​ភាពសុខដុមរមនា​យូរអង្វែង ក្នុង​សង្គមជាតិ​យើង​។​

​លទ្ធិប្រជាធិបតេយ្យសេរី​ពហុបក្ស​របស់​យើង ត្រូវបាន​អនុវត្ត​ប្រកប​ដោយ​វិចារណញាណ ឈរ​លើ​ឧត្តម​ប្រយោជន៍​ជាតិ និង​ការពង្រឹង​ពង្រីក​ស្មារតី​បង្រួបបង្រួម​ផ្សះផ្សា​ជាតិ ។ ក្នុងន័យនេះ ការថែរក្សា​ឲ្យបាន​នូវ​សន្តិភាព និង​ការអភិវឌ្ឍ​ប្រកបដោយ​ចីរភាព​មានតម្លៃ​ថ្លៃថ្លា​បំផុត​៕

  

spot_img
×