ប្រិយមិត្តបានស្គាល់ច្បាស់ហើយ ពីពិធីករល្បីឈ្មោះ VJ តាប៊ុយ ដែលទើបផ្ទុះរឿងរ៉ាវដ៏កក្រើក បន្ទាប់បើកឡានរ៉េងរ៉ូវ័រ ទាំងស្ថានភាពស្រវឹង បង្កគ្រោះថ្នាក់ចរាចរណ៍ទៅបុកឡានព្រូសគេ កំពុងឈប់រង់ចាំភ្លើងស្តុប បណ្តាលឲ្យខូចខាតផ្នែកខាងក្រោយយ៉ាងដំណំតែម្តង។
ការពិតណាស់ សម្រាប់គ្រោះថ្នាក់ចរាចរណ៍នេះផងដែរ តាប៊ុយ បានធ្វើឲ្យរឿងរ៉ាវកាន់តែវែងឆ្ងាយ បន្ទាប់ពីបានចេញវីដេអូ ពុំពេញចិត្តថ្លៃវិកយបត្រជួសជុល ដែលម្ចាស់រថយន្តព្រូសផ្ញើមក ធ្វើអស់ ២២៥០ ដុល្លារ និងថែមទាំងចោទប្រកាន់ម្ចាស់ឡានរងគ្រោះថាសរសេរបុងធ្វើស៊ីខ្លួនជ្រុលហួសហេតុ និងព្រមទាំងបោះសម្តីទៅម្ចាស់រថយន្តថា ចង់ធ្វើអីធ្វើទៅទៀតផង។
ដោយសារ តាប៊ុយ បានបោះសម្តីថ្លោះបែបនេះ ជាហេតុធ្វើឲ្យម្ចាស់រថយន្តព្រូសក្តៅចិត្ត លែងដោះស្រាយចរចាជាមួយ ប្តូរចិត្តដាក់ពាក្យបណ្តឹង និងថែមទាំងសំណងជំងឺពីតាប៊ុយ ចំនួន ២ ម៉ឺនដុល្លារ។
ដោយឡែកងាកមកចាប់អារម្មណ៍ពីសកម្មភាពតាប៊ុយ ទិញអាហារពេលយប់ញ៉ាំវិញ ឃើញថាបានធ្វើឲ្យមហាជនជាច្រើន សម្តែងការហួសចិត្តជាខ្លាំង បន្ទាប់ពីបានឃើញទិញអាហារលើកណាក៏ដូចលើកណា គឺថាកម្ម៉ង់ស្ទើរគ្រប់សព្វ មិនពេញចិត្តដូរវិញ ហើយពេលខ្លះដូសខ្លួនឯងសឹងអស់របស់អ្នកលក់ និយាយរួមទៅ គឺតឹងទ្រូងជំនួសអ្នកលក់តែម្តង។
ក្រោយឃើញសកម្មភាព និងការប្រើប្រាស់ពាក្យសម្តី នៃការកម្ម៉ង់តាមចិត្តបែបនេះ មហាជនជាច្រើនបានបញ្ចេញមតិហួសចិត្តថា៖ “ចេះជាងអ្នកលក់ចឹងបងធ្វើញាំខ្លួនអែងទៅ, និយាយស្តីអត់របៀបជាមួយមនុស្សចាស់ បើផ្ចិតផ្ចង់ធ្វើខ្លួនឯងទៅ, ខ្លាចគេដាក់លេីសតម្លៃទៀតលោកព្រះ, កម្ម៉ងនោះកម្ម៉ងចង់ចំនេញតែខ្លួនឯង, ឃើញឡាយទិញអីស៊ីម្ដងៗតឹងទ្រូងជំនួសអ្នកលក់ កុម្ម៉ង់ដូរចុះឡើងធ្វើដូចគេមានពេលទំនេរលក់អោយតែគាត់មួយ គ្រាន់រឿងស៊ីវេទនាគេឯង, ពេលកម្ម៉ង់រួចគេគិតលុយតាមថ្លៃកម្ម៉ង់ខឹងគេទៀត ថាម៉េចមិនគិតតម្លៃធម្មតាអោយ និយាយទៅមិនត្រឹមគំរិះទេ គឺខុសរឿងតែម្តង, សុីនំបញ្ចុសុំនោះសុំៗ តែអោយអីុហ្នឹងដាក់តំលៃធម្មតាបានហើយ បើខ្ញុំអ្នកលក់វិញ ដេញទៅស៊ីណាស៊ីទៅ មិនមែនអត់អ្នកឯងម្នាក់ងាប់ណា! បើមានមនុស្សប្រភេទហ្នឹងមកស៊ីតែ១០ នាក់ ដឹងតែឡុងឆុងហើយ!”៕ រក្សាសិទ្ធិដោយ៖ លឹម ហុង
