ជឿថា បងប្អូនប្រិយមិត្តជាច្រើន បានស្គាល់រួចហើយ ពីក្មេងស្រីវ័យជំទង់ម្នាក់ ដែលល្បីច្រៀងយ៉ាងពិរោះ មានទឹកដមសំឡេងដ៏ក្រអួនក្រអៅ រហូតដល់ថ្នាក់គេលើកសរសើរភ្ជាប់ចំណងជើងវីដេអូថា «តារាទើបរះក្នុងពិភពអេតចាយ»។
ជាក់ស្តែងងាកមកស្តាប់ទឹកដមសំឡេងរបស់នាងវិញ គឺពិតជាមិនធម្មតានោះទេ ពោលគឺអាចនិយាយបានថាតារាចម្រៀងអាជីពមួយចំនួនមិនស្មើនោះឡើយ។ ជាក់ស្តែង នាងអាចបកស្រាយទាំងបទចម្រៀងសម័យ និងសូម្បីស្មូត គឺពិតជាពិរោះខ្លាំងណាស់ ដោយនាងចេះប្រើសំឡេងលើកដាក់ ជាពិសេសគ្រហឹម និងចេះប្រើអឿន ប្រៀបដូចតារាជើងចាស់អុីចឹង។
ដោយឡែក ថ្មីៗនេះ វីដេអូរបស់នាង ត្រូវបានគេរំលែកឲ្យឃើញទៀតហើយ ដោយលើកនេះ នាងស្មូត្រវិញម្តង គឺថាពិរោះឡើងព្រឺរោមតែម្តង។
សូមបញ្ចាក់ថា ក្មេងស្រីពុំទាន់ត្រូវបានស្គាល់ឈ្មោះរូបនេះ ត្រូវបានដឹងថា បច្ចុប្បន្ន នាងកំពុងធ្វើការនៅកន្លែងទិញលក់អេតចាយមួយកន្លែង នៅក្នុងខេត្តបាត់ដំបង៕ រក្សាសិទ្ធិដោយ៖ លឹមហុង
