ដូចដែលមហាជនបានទទួលជ្រាបរួចហើយ ពីករណីប្លន់ផ្ទះអ្នកលក់ឡេល្បីឈ្មោះជំទាវឧកញ៉ា អ៊ាន សៀវម៉ី ដែលលោកមេចោរ វិល្លាម គ័ង ប្រធានគណបក្សខ្មែរក្រោក បានសារភាពថា ខ្លួននិងបក្ខពួកសម្រេចចិត្តប្លន់ គឺដោយសារតែ «ជ្រេញនឹងអ្នកលក់ឡេរូបនេះ ពូកែសម្ញែងទ្រព្យខ្លាំងពេក»។
តែយ៉ាងណាមិញ អ្វីដែលគួរឲ្យហួសចិត្តទៀតនោះ ខណៈករណីនេះ មិនទាន់បាត់ស្ងប់ស្ងាត់ស្ងួតជើងឆ្មេញផង ស្រាប់តែលោក ថមមី ស្វាមីតារាចម្រៀងស្រីល្បីឈ្មោះ សួស វីហ្សា ដែលគេដឹងថា បច្ចុប្បន្នកំពុងជោគជ័យជាខ្លាំង លើមុខជំនួញជាច្រើនក្នុងដៃ ជាពិសេសលើវិស័យអចលនទ្រព្យ បានផុសរូបប្រូតសិនពីគម្រោងលក់ដីឡូតិ៍របស់ខ្លួន ដោយលើកបង្ហាញលុយសុទ្ធតែប្រភេទក្រដាស 100$ ទាំងគីបៗ ដោយហាក់គ្មានញញើត ខ្លាចរអាចោរប្លន់សោះឡើយ។
ក្រោយពីបានឃើញបែបនេះ មហាជនដែលមិនចូលចិត្តអ្នកការអួតសម្ញែងទ្រព្យ បានដាក់ឲ្យបែបៗនេះថា៖ ចោរប្លន់ កុំបន្ទោសថា ស្រុកសម្បូរចោរ, មិនទាន់ស្ងួតជើងឆ្មេញផង ឥឡូវមកទៀត ប្រយ័ត្នចោរជ្រេញ, ខ្លាចគេមិនដឹងថាខ្លួនឯងមាន អ្នកមានពិតតែ១០០$ ក៏គេមិនហ៊ានបញ្ចេញដែរ គេខ្លាចសុវត្ថិភាពគេ កូនចៅគេណាស់, ជួយបង្ហាញអោយច្រើនមក ស្រួលប៉ូលិសចាប់ចោរបានអស់,…៕ រក្សាសិទ្ធិដោយ៖ លឹម ហុង
