ប្រិយមិត្ត និងមហាជន បានទទួលរួចហើយ ទាក់ទងរឿងរ៉ាវលែងលះដ៏ផ្ទុះកក្រើក រវាងអ្នកនាង ដេត ម៉ាលីណា និងអតីតស្វាមីលោក ឌួង ឆាយ ដែលគិតមកទល់ពេលនេះមានរយៈពេល១ឆ្នាំ ហើយ។
តែទោះយ៉ាងណា ជំងឺលែងលះគ្នាដ៏មិនស្ងប់សុខរៀងៗខ្លួនរបស់អ្នកទាំងពីរ ដោយសារតែជាពិសេសចំណងកូនៗទាំងបី នៅពេលនេះ ប្រហែលស្ងប់ស្ងាត់ទាំងស្រុងហើយ ក្រោយពីអ្នកទាំងពីបានឈ្លោះហែកហួរគ្នាហាក់ឆ្អែតឆ្អន់ ពោលគឺបន្ទាប់កន្លងទៅថ្មីៗនេះ ដេត ម៉ាលីណា ចិត្តសឿង សុខចិត្តចេញទៅស្បថនៅមុខព្រះអង្គដងកើ ដើម្បីធ្វើទៅតាមសំណើររបស់អតីតស្វាមីចង់បាន។
ដោយឡែក ងាកចាប់អារម្មណ៍រឿងជីវិតឯកជនវិញ ថ្មីៗនេះ អ្នកលេងបណ្តាញសង្គម ជាពិសេសហ្វេនៗ ពិតជាមានការភ្ញាក់ផ្អើលជាខ្លាំងតែម្តង ខណៈស្ងាត់ៗ អ្នកមេម៉ាយកូនបីរូបស្រស់ ដេត ម៉ាលីណា បានដាច់ចិត្តទម្លាយសំបុត្រស្នេហ៍មួយជាលើកដំបូង ឲ្យអ្នកទាំងអស់គ្នាបានឃើញក្រោយ Single រងារឯកោអស់រយៈពេលពេញ១ឆ្នាំមក។ ក្នុងនោះ ដេត ម៉ាលីណា បានឆ្លើយតបទៅកាន់ម្ចាស់សំបុត្រស្នេហ៍ កាលពីល្ងាចថ្ងៃទី២២ ខែធ្នូ ឆ្នាំ២០២១ ទាំងអារម្មណ៍បែបនេះថា «នេះគឺជាសំបុត្រស្នេហា ដែលខ្ញុំទទួលបានលើកទីមួយនៅពេលខ្ញុំស៊ីងហ្គលមួយឆ្នាំនេះ ឃើញហើយក៏រំភើបចិត្ត ប៉ុន្តែមានអារម្មណ៍ចង់សើចៗតិចៗ សម័យនេះ ហើយនៅមានសំបុត្រស្នេហាទៀតដឹងគេអៀនអត់ពូឈប់ធ្វើចឹងទៀតលឺនៅ ប៉ុន្តែក៏អរគុណសម្រាប់ទឹកចិត្តបងប្រុស ដែលស្រ លា ញ់ប្អូនស្រីម្នាក់នេះ 21.12.2021»។
ជាក់ស្តែង ក្នុងសំណេរសំបុត្រនោះ បានសរសេររៀបរាប់ថា៖ «សូមជូនពរថ្ងៃខួបកំណើតអូនគំរប់ ៣១ ចូល ៣២ ឆ្នាំ អោយមានសេចក្តីសប្បាយ សិរីសួស្តី អាយុយុឺនយូរ សម្រស់កាន់តែស្រស់ស្អាតជានិច្ច ហើយប្រាថ្នាអ្វីៗ សូមអោយបានសម្រេចដូចក្តីបំណង។ បងជូនកាដូទុកសម្រាប់អនុស្សាវរីយ៍ ដើម្បីជាសក្ខីភាពនៃសេចក្តីរបស់បងមានចំពោះអូន វាតិចសម្រាប់អូន តែវាច្រើនសម្រាប់បង នោះដោយសារភាពស្មោះត្រង់ចេញពីបេះដូងពិតៗរបស់បង ដែលមានចំពោះអូន»៕ រក្សាសិទ្ធិដោយ៖ លឹម ហុង
