បងប្អូនប្រិយមិត្តបានស្គាល់រួចហើយឯកឧត្តមបណ្ឌិត ម៉ុង ប្ញទ្ធីជាសេដ្ឋីលំដាប់កំពូលមួយរូបនៅប្រទេសកម្ពុជា។ លោកបណ្ឌិត ត្រូវបានគេប្រសិទ្ធនាមថា ជាអធិរាជកសិកម្ម តាមរយៈការវិនិយោគលើវិស័យកសិកម្មដ៏ជោគជ័យរាប់ឆ្នាំមកហើយ ក្នុងនោះមានដំណាំស្រូវ ចំការដូងប្រេង ចិញ្ចឹមជ្រូក ចំការកៅស៊ូ ជាដើម។ ក្រៅពីនេះ លោកក៏ជាម្ចាស់ក្រុមហ៊ុន ម៉ុង ឫទ្ធី គ្រុប ដែលមានក្រុមហ៊ុនហ៊ុនបុត្រសម្ព័ន្ធច្រើនទៀតផងដែរ។
ជាការពិតណាស់ បើទោះមានឈ្មោះជាសេដ្ឋីក៏ពិតមែន តែលោកហាក់មានជីវិតរស់នៅមិនបង្ហាញពីភាពហុឹហាឡូយឆាយនោះឡើយ ពោលគឺលោកតែងតែប្រើទម្លាប់រស់នៅធម្មតា ជាពិសេសប្រាស្រ័យទាក់ទងជាមួយប្រជាពលរដ្ឋយ៉ាងសាមញ្ញាបំផុត។ លើសពីនេះ លោកក៏តែងចូលចិត្តចែករំលែកការលេងសើចសប្បាយៗ នៅលើបណ្តាញសង្គម ជារឿយៗផងដែរ។
ដោយឡែក ថ្មីៗនេះ លោកបណ្ឌិត ម៉ុង ប្ញទ្ធី បានធ្វើឲ្យគ្រប់គ្នាបានសើចផ្អើលទៀតហើយ បន្ទាប់ពីបានឃើញរូបភាពលោកលើកដៃសំពះអ្នកគ្រូពេទ្យ ខណៈពេលទៅរុកច្រមុះ ដើម្បីយកសំណាកធ្វើតេស្តជាលើកទី៥១។ ក្នុងនោះ លោកបានរៀបរាប់គួរឲ្យអស់សំណើចយ៉ាងដូច្នេះថា៖ «ថោកអីនឹងដៃ ថ្លៃអីនឹងមាត់ បេីគ្រាន់តែលេីកដៃសំពះអរគុណអ្នកគ្រូពេទ្យ ដែលបានរុកច្រមុះឲ្យខ្ញុំ លេីកទី៥១ថ្នមៗមិនឈឺទេ រួចហេីយបាននាំគ្នា មកថតរួមជាមួយថែមទៀតផង ឆ្លុះកញ្ចក់មេីលទៅច្រមុះ រាងដូចកូនកាត់ យូហ្គោស្លាវីទៅវិញហេីយខ្ញុំ 3pm 23,12,2021»៕ រក្សាសិទ្ធិដោយ៖ លឹម ហុង
