ភ្នំពេញ ៖ ក្រោយទទួលព័ត៌មាន ពីប្រជាពលរដ្ឋថា មានករណីបាត់ផ្លាកលេខរថយន្ដ នៅព្រឹកថ្ងៃសុក្រ ទី២៤ ខែ ធ្នូ ឆ្នាំ ២០២១ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ ក្រោមការដឹកនាំពីលោក ឧត្តមសេនីយ៍ ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានដឹកនាំកងកម្លាំងចុះឆែកឆេរ កាំមេរ៉ាសុវត្ថិភាព តាមផ្ទះប្រជាពលរដ្ឋ។ រហូតដល់កំណត់មុខសញ្ញាឈានដល់ការឃាត់ខ្លួនជនសង្ស័យចំនួន០៤នាក់ ក្នុងម្នាក់ជាអ្នកទទួលទិញផ្លាកលេខរថយន្ដ។
ជនសង្ស័យទី១) ឈ្មោះ សួង សៅនៀវ ភេទប្រុស អាយុ៣២ឆ្នំា មុខរបរជាងសំណង់ ស្នាក់នៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ(ទទួលទិញផ្លាកលេខរថយន្ដ)។ ជនសង្ស័យទី២) ឈ្មោះ ផាន ស៊ីណា ភេទប្រុស អាយុ២៨ឆ្នំា មុខរបរកម្មករសំណង់ ស្នាក់នៅបន្ទប់ជួលភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ (អ្នកលួចផ្លាកលេខរថយន្ដ)។ ជនសង្ស័យទី៣) ឈ្មោះអ៊ុន ប្រុស ភេទប្រុស អាយុ៣៥ឆ្នំា មុខរបរមិនពិតប្រាកដ ស្នាក់នៅភូមិសំបូរ សង្កាត់ដង្កោ ខណ្ឌដង្កោ រាជធានីភ្នំពេញ (ជាលួចផ្លាកលេខរថយន្ដ)។ ជនសង្ស័យទី៤) ឈ្មោះ សិត ដេឌី ភេទប្រុស អាយុ២២ឆ្នំា មុខរបរមិនពិតប្រាកដ ស្នាក់នៅភូមិព្រៃព្រីងខាងត្បូង សង្កាត់ចោមចៅទី២ ខណ្ឌពោធិ៍សែនជ័យ (អ្នកលួចផ្លាកលេខរថយន្ដ)។
ចំណែកឯជនរងគ្រោះឈ្មោះ សៀម ស្រីលាវ ភេទស្រី អាយុ៣៤ឆ្នំា មុខរបរនៅផ្ទះ ស្នាក់នៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
សម្ភារៈដកហូតរួមមាន ៖ ម៉ូទ័រដោះផ្លាកលេខរថយន្ដចំនួន០១គ្រឿង និងផ្លាកលេខរថយន្ដចំនួន ០៧គ្រឿង។
បច្ចុប្បន្នជនសង្ស័យ ត្រូវកម្លាំងនគរបាល នៃអធិការខណ្ឌពោធិ៍សែនជ័យ កំពុងសាកសួរ ដើម្បីកសាងសំណុំរឿង បញ្ជូនទៅកាន់តុលាការ ចាត់ការតាមនីតិវិធី៕ រក្សាសិទ្ធិដោយ ៖ សួង សាម
