ការចាកចេញគ្មានថ្ងៃវិលត្រឡប់ របស់តារាចម្រៀង នាង ប្រាក់សុគន្ធ ដែលត្រូវជាបងប្រុសបង្កើតរបស់តារាចម្រៀង នាង គន្ធា ឃើញថាបានធ្វើឲ្យមហាជនអ្នកប្រើប្រាស់បណ្តាញសង្គមហ្វេសប៊ុក និងក៏ដូចសិល្បករជាច្រើន បានសម្តែងនូវក្តីស្រណោះ សោកស្តាយ រំជួលចិត្តជាពន់ពេក ជាពិសេស ចំពោះក្រុមគ្រួសារ និងប្អូនស្រីបង្កើតរបស់រូបគេតែម្តង។
ប៉ុន្តែ អ្វីដែលកាន់តែសោកស្រណោះជាងនេះទៀតនោះ គឺមិនត្រឹមតែគ្រួសារសាច់ញាតិបងប្អូន ដែលកំពុងមានទុក្ខជាមួយក្តីអាឡោះល័យយ៉ាងខ្លាំង ចំពោះការចាកចេញរបស់ ប្រាក់ សុគន្ធ ប៉ុណ្ណោះទេ តែក្រឡេកទៅមើលសង្សារបណ្តូលចិត្តរបស់លោកវិញ ក៏សឹងតែមិនអាចទទួលយកបានឡើយ ព្រោះការបាត់បង់មនុស្សជាទីស្រឡាញ់លឿនពេក ខណៈពួកគេក៏ទើបសន្យាថានឹងធ្វើរឿងមួយជាមួយគ្នាផងដែរ។ ជាក់ស្តែង នារីជាសង្សារបានបង្ហោះសារទាំងក្តីរំជួលចិត្តបំផុតថា៖ បងហាសវាលឿនពេកហើយទេដឹង អូននៅចាំបានមួយអាទិត្យមុន បងថាចង់ថតរូបជាមួួយអូន add story ហើយចង់ទៅបោះតង់ ហើយថតរូបគូស្នេហ៍យកមកប្តូរ Cover តែពេលនេះ បងក៏ទៅបាត់ ដឹងទេថាអូននឹកបង។
លើសពីនេះ អ្វីដែលគួរឲ្យអាសូរនោះ គឺវីដេអូក្នុង TikTok មួយ ដែលគេបញ្ជាក់ឲ្យដឹងថា ជាសង្សាររបស់ នាង ប្រាក់សុគន្ធ កំពុងតែសំងំទ្រហ៊ោយំយ៉ាងខ្លាំង ដែលពោរពេញទៅក្តីឈឺចាប់ និងនឹកអាឡោះអាល័យបំផុត ខណៈសពសង្សារជាទីស្រឡាញ់របស់ខ្លួន ត្រៀមរៀបចំធ្វើការបូជា ហើយក៏ជាវេលាចុងក្រោយ ដែលត្រូវបែកគ្នាគ្មានថ្ងៃវិលត្រឡប់ឡើយ។
គួរបញ្ជាក់ថា តារាចម្រៀងនាង ប្រាក់ សុគន្ធ បានទទួលមរភាព ដោយសារគ្រោះថ្នាក់ចរាចរណ៍ កាលពីយប់ថ្ងៃទី២៥ ខែធ្នូ ឆ្នាំ២០២១។ ហើយហេតុការណ៍នេះផងដែរ ក៏ត្រូវបានប្រភពអះអាងថា ដោយសាររថយន្តគេបុកពីក្រោយ ខណៈរូបគេកំពុងជិះម៉ូតូក្នុងល្បឿនលឿន ហើយរថយន្តនោះក៏បានបើកគេចបាត់។ តែទោះយ៉ាងណា បើតាមរយៈវីដេអូកាមេរ៉ាសុវត្ថិភាពបង្ហាញមិនច្បាស់ គឺគេឃើញម៉ូតូ សុគន្ធ ដួលតែឯងប៉ុណ្ណោះ៕ រក្សាសិទ្ធិដោយ៖ លឹម ហុង
@ah_ra1234 😭😭
♬ original sound – 🖤Ah_Ra🖤