ជឿថាប្រិយមិត្តជាច្រើន នៅចាំបានហើយ ពីអតីតគូស្នេហ៍របស់តារាហ្វេសប៊ុក ដេន នីក្វាន់ គឺថៅកែការ៉ាស់ឡាន លោក ចាន់ មករា ដែលអ្នកទាំងពីរ កាលពី២ឆ្នាំមុន ពិតជាស្វ៊ីតនឹងគ្នាខ្លាំងណាស់ ប៉ុន្តែ ក៏បានប្រេះឆាបែកបាក់គ្នាវិញផងដែរ។
តែដោយឡែក ថ្មីៗនេះ មហាជននៅក្នុងបណ្តាញសង្គមហ្វេសប៊ុក ពិតជាមានការភ្ញាក់ខ្លាំងតែម្តង ខណៈស្ងាត់ៗ ស្រាប់តែ ដេន នីក្វាន់ប្រកាសជាសាធារណៈ ឲ្យអតីតគូស្នេហ៍ប្រញាប់ចូលខ្លួនដោះស្រាយរឿងជំពាក់លុយជាង ១០ ម៉ឺនដុល្លារ ជាបន្ទាន់ ខណៈលោក ចាន់ មករា កំពុងរត់គេចខ្លួនប្រហែលនៅក្រៅប្រទេស។
នេះបើតាមគណនីហ្វេសប៊ុក Denny Kwan កាលពីល្ងាចថ្ងៃទី២៧ ខែធ្នូ ឆ្នាំ២០២១ ម្សិលមិញនេះ បានបង្ហោះសារភ្ជាប់រូបលោក ចាន់ មករា មួយសន្លឹក ដោយបញ្ជាក់ដូច្នេះថា៖ «សូមលោក ចាន់ មករា (Chann Makara) ចេញមុខមកដោះស្រាយ រឿងបោកលុយជាងដប់មុឺនដុល្លារ ដែលជាលុយសុទ្ធ គេចខ្លួនធ្វើអី? ឆាប់ចេញមុខមកដោះស្រាយមក កុំអោយមានរឿងល្បីអី ទុកកិត្តិយសលោកឯងរកសុីទៅថ្ងៃក្រោយផង ខ្ញុំទុកពេលអោយច្រើនថ្ងៃហើយ»។
បន្ទាប់មក នៅវេលាម៉ោង ៨ និង ៣០ នាទីយប់ថ្ងៃដដែលដេន នីក្វាន់ ក៏បានបង្ហោះថា ថ្ងៃនេះ (ទី២៨ ខែមករា ឆ្នាំ២០២១) នាងនឹងធ្វើការ Live ទម្លាយពីល្បិចបោកប្រាស់ដ៏សាហាវរបស់លោក ចាន់ មករា ឲ្យមហាជនបានដឹងច្បាស់ផងដែរ៕ រក្សាសិទ្ធិដោយ៖ លឹម ហុង
