ភ្នំពេញ ៖ កម្លាំងមន្ត្រីនគរបាលខណ្ឌដូនពេញ កាលពីថ្ងៃទី ២០ ខែ កុម្ភៈ ឆ្នាំ ២០២២ បានបង្ក្រាបទីតាំងល្បែងស៊ីសងខុសច្បាប់ តាមប្រព័ន្ធអ៊ីនធើណេត បានចំនួន ២ ទីតាំង និងបានឃាត់មនុស្សចំនួន ១៧នាក់ នៅខណ្ឌដូនពេញ រាជធានីភ្នំពេញ ។
ទីតាំងល្បែងស៊ីសងខុសច្បាប់ទាំង២ កន្លែងនេះ រូមមាន: ទីតាំងទី១ ស្ថិតនៅផ្ទះលេខ៦៣ ផ្លូវ លេខ ៥៣។ និងទីតាំងទី២ ស្ថិតនៅផ្ទះលេខ៦៩ ផ្លូវ លេខ ៥៣ ។
សមត្ថកិច្ចខណ្ឌដូនពេញបានឲ្យដឹងថា ការចុះបង្រ្កាប ទីតាំងល្បែងស៊ីសង ខុសច្បាប់តាមប្រព័ន្ធអ៊ីនធើណេត ខាងលើនេះ ត្រូវបានធ្វើឡើង បន្ទាប់ពី សមត្ថកិច្ចនគរបាល បានទទួលពាក្យបណ្តឹងពីប្រជាពលរដ្ឋ មានការបើកលែងល្បែងតាមប្រព័ន្ធអ៊ីនធើណេត ។
ចំណែកសម្ភារៈដែលសមត្ថកិច្ចដកហូកបានមាន៖ -មានកុំព្យូទ័រ – ទូរទស្សន៍ និង សម្ភារៈមួយចំនួនផ្សេងទៀត ។
បច្ចុប្បន្ននេះ, មនុស្សទាំង១៧ នាក់ ខាងលើ និង វត្ថុតាង ត្រូវសមត្ថកិច្ចនគរបាល ឃាត់ជាបណ្ដោះអាសន្ន នៅអធិការដ្ឋាននគរខណ្ឌដូនពេញ ដើម្បីចាត់ការតាមនីតិវិធី ៕ រក្សាសិទ្ធិដោយ ៖ ចន្ទា ភា
