កាលពីពេលថ្មីៗនេះ ប្រព័ន្ធផ្សព្វផ្សាយថៃ បានចុះផ្សាយព័ត៌មានក្នុងពេលដំណាលគ្នាថា ប៉ូលីសបានរកឃើញភស្តុតាងសំខាន់ៗចំនួនពីរដែលទាក់ទងនឹងករណីនៃការស្លាប់របស់ Tangmo Nida ។ នោះគឺបន្ទាប់ពីនៅវេលាម៉ោង៤ និង៤០នាទី រសៀលថ្ងៃទី៦ ខែមីនា ក្រុមអ្នកមុជទឹកបានរកឃើញភស្តុតាង នៅជិតផែ Phibun Songkhram 3 មាត់ទន្លេចៅប្រាយ៉ា។
ក្រុមអ្នកមុជទឹកបានរកឃើញថង់ពណ៌ប្រផេះ ហើយបាននាំចេញពីទឹក។ វត្ថុនោះត្រូវបានរកឃើញនៅចំណុចកូអរដោណេចម្ងាយប្រហែល ៥០ ម៉ែត្រពីផែ Phibun Songkhram 3 ។ នៅក្នុងកាបូបមានថូខ្ពស់មួយដែលខ្ចប់យ៉ាងប្រុងប្រយ័ត្ន។ លើសពីនេះ ក្រុមអ្នកមុជទឹកក៏បានរកឃើញវត្ថុទំហំប៉ុនបាតដៃផងដែរ ប៉ុន្តែគេមិនទាន់ដឹងច្បាស់ថា តើវត្ថុនេះជាអ្វីនោះទេ។
បច្ចុប្បន្នសមត្ថកិច្ចជំនាញកំពុងធ្វើកោសល្យវិច័យដើម្បីស្រាវជ្រាវនិងបំភ្លឺវត្ថុតាងទាំងពីរនេះ ខណៈទស្សនិកជនកំពុងរង់ចាំព័ត៌មានចុងក្រោយទាក់ទងនឹងហេតុការណ៍នេះ។ មនុស្សជាច្រើនបានអះអាងថា នេះជាភស្តុតាងសំខាន់ពីរដែលទាក់ទងនឹងការស្លាប់របស់ Tangmo។
កាលពីរសៀលម្សិលមិញ (៦ មីនា) Kratik Itsarin Juthasuksawat – អ្នកគ្រប់គ្រងស្ត្រីសង្ស័យរបស់ Tangmo បានបង្ហាញខ្លួននៅទីស្នាក់ការស៊ើបអង្កេត។ ហើយនៅខណៈពេលនោះ ឧត្តមសេនីយ៍ឯក Prachuap Wongsuk ជំនួយការរដ្ឋមន្ត្រីប៉ូលីសថៃ ក៏បានចូលរួម ដើម្បីតាមដានវឌ្ឍនភាពនៃការស៊ើបអង្កេតនេះផងដែរ។
តែយ៉ាងណាមិញ អ្វីដែលគួរឲ្យចាប់អារម្មណ៍នោះ គឺនៅម៉ោង៦ល្ងាច Kratik ស្រាប់តែលេចមុខនៅកន្លែងជណ្តើរសង្គ្រោះបន្ទាន់នៃអគារ។ គេដឹងថា នាងមានពេល៤ម៉ោងដើម្បីផ្តល់សក្ខីកម្មដល់ប៉ូលិស។ អ្នកគ្រប់គ្រងស្រីម្នាក់នេះ ដែលឈរនិយាយទូរស័ព្ទតែឯង មើលទៅពិតជាតានតឹង និងមានទឹកមុខហត់នឿយ។ ពេលប្រទះឃើញអ្នកយកព័ត៌មាន Kratik ក៏ចូលទៅក្នុងអគារវិញភ្លាម។
ម៉ោង ៩ យប់ Kratik ចេញមុខជាលើកទី២។ ហើយនៅពេលចេញពីបន្ទប់សួរចម្លើយត្រឡប់មកផ្ទះវិញ, Kratik បានបន្តទូរស័ព្ទបន្ទាប់មកដើរឆ្ពោះតម្រង់រថយន្តរបស់ខ្លួនរួចចាកចេញពីអគារស៊ើបអង្កេត។ Kratik នៅតែបង្ហាញទឹកមុខអស់កម្លាំងបន្ទាប់ពីផ្តល់សក្ខីកម្មអស់រយៈពេលជាច្រើនថ្ងៃមកហើយ ទៅកាន់ប៉ូលិស៕ រក្សាសិទ្ធិដោយ៖ លឹម ហុង
