កំពង់ស្ពឺ ៖ កម្លាំងសមត្ថកិច្ចនគរបាលស្រុកថ្ពង ខេត្តកំពង់ស្ពឺ កាលពីថ្ងៃទី៨ ខែ មីនា ឆ្នាំ ២០២២ បានបង្ក្រាប ទីតាំងលេងល្បែងស៊ីសង ចាក់អាប៉ោង ខុសច្បាប់មួយកន្លែង និងបានឃាត់ខ្លួនជនសង្ស័យប្រុស-ស្រីចំនួន ១៥ នាក់ ប្រព្រឹត្តនៅក្នុងព្រៃមួយកន្លែង ស្ថិតក្នុងភូមិសំរោង ឃុំមនោរម្យ ស្រុកថ្ពង ខេត្តកំពង់ស្ពឺ
នគរបាលខេត្តកំពង់ស្ពឺបានឱ្យដឹងថា ក្រោយការឃាត់ខ្លួនជនសង្ស័យប្រុស-ស្រី ១៥ នាក់ ក្នុងនោះមានស្រី៧នាក់ ត្រូវបានធ្វើឡើង បន្ទាប់ពីកម្លាំងនគរបាល បានទទួលពាក្យបណ្តឹងពីប្រជាពលរដ្ឋ មានការបើកទីតាំងលេងល្បែងស៊ីសង ចាក់អាប៉ោង នៅចំណុចបង្រ្កាបខាងលើ ។
ចំណែកវត្ថុតាងដកហូតបានរួមមាន៖ – មេអាប៉ោងចំនួន ០៤- ប្រាក់រៀលមួយចំនួន – ចានបាញ់អាប៉ោង០១, ម៉ូតូ ១៤គ្រឿង- តុ ២ កៅអីជ័រចំនួន ២០, កម្រាលអាប៉ោង០១, ធុងទឹកកក០១ និងទូរស័ព្ទមួយចំនួនផងដែរ ។
បច្ចុប្បន្ននេះ ជនសង្ស័យប្រុស-ស្រី ត្រូវបានទៅបញ្ជូន ទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការតាមនីតិវិធីច្បាប់៕ រក្សាសិទ្ធិដោយ ៖ ចន្ទា ភា
