តៃប៉ិ កោះតៃវ៉ាន់ – តៃវ៉ាន់បានទទួលរងនូវយុទ្ធនាការផ្សព្វផ្សាយព័ត៌មានមិនពិតជាប្រព័ន្ធ ដោយសារយុទ្ធនាការនេះបង្កការគំរាមកំហែង “ដែលមានស្រាប់” ចំពោះតៃវ៉ាន់។ នេះបើយោងតាមលោកស្រី សូហ្សា ហ្វឺរេនស៊ី (Zsuzsa Ferenczy) អ្នកជំនាញគោលនយោបាយការបរទេសរបស់សហភាពអឺរ៉ុបដែលមានមូលដ្ឋាននៅតៃវ៉ាន់។
លោក ឡូរ៉ា កៅ (Laura Kao) ដែលធ្វើការឱ្យរដ្ឋាភិបាលនៅទីក្រុងតៃប៉ិបាននិយាយថាយុទ្ធនាការផ្សព្វផ្សាយព័ត៌មានមិនពិតគឺជា “មេរោគ” ដោយបន្ថែមថាការលើកកម្ពស់ការយល់ដឹងរបស់មនុស្សគឺជាគន្លឹះក្នុងការដោះស្រាយបញ្ហានេះ។ លោកស្រីបានបន្តថា ប្រជាជននឹងត្រួតពិនិត្យម្តងទៀត និងហាមឃាត់មិនឱ្យបញ្ជូនព័ត៌មានទៅអ្នកដទៃ ដូច្នេះបញ្ឈប់ការផ្សព្វផ្សាយព័ត៌មានមិនពិត។
បញ្ហាដ៏ធំនេះបាននាំឱ្យមានការបង្កើតអង្គការត្រួតពិនិត្យការពិតជាច្រើន រួមទាំងមជ្ឈមណ្ឌល FactCheck Center (TFC) ដែលត្រូវបានគាំទ្រដោយ Google ជាផ្នែកនៃគំនិតផ្តួចផ្តើមដើម្បីទប់ស្កាត់ការរីករាលដាលនៃព័ត៌មានមិនពិត។
យោងតាមលោក Kao អង្គការដូចជា TFC មានគោលបំណងលើកកម្ពស់ប្រព័ន្ធផ្សព្វផ្សាយ និងចំណេះដឹងឌីជីថលរបស់ប្រជាជន។ លោក កៅបន្ថែមថា៖“កម្មវិធីរបស់យើងគ្របដណ្តប់មនុស្សគ្រប់ក្រុមវ័យ។ យើងធ្វើការជាមួយ ECPAT Taiwan ដើម្បីបណ្ដុះបណ្ដាលគ្រូបង្រៀន ដើម្បីជួយយុវជនឱ្យចេះគិតពិចារណា នៅពេលមានព័ត៌មាន។ យើងក៏សហការជាមួយ TFC និងមហាវិទ្យាល័យសហគមន៍ដើម្បីបង្កើតថ្នាក់រៀនសម្រាប់មនុស្សពេញវ័យដើម្បីបង្កើនការយល់ដឹងរបស់ពួកគេអំពីអ៊ីនធឺណិត”។
អ្នកកាសែតុម្នាក់ឈ្មោះ Summer Chen បាននិយាយថា តៃវ៉ាន់ដើរតួនាទីយ៉ាងសំខាន់ក្នុងការប្រយុទ្ធប្រឆាំងនឹងព័ត៌មានមិនពិត ដោយសារវាមានអង្គការជាច្រើនដែលនិយាយភាសាចិនកុកងឺ។ សម្រាប់ Ferenczy ពត៌មានមិនពិតដែលមកពីប្រទេសចិនគ្រាន់តែជាឧបករណ៍មួយដែលទីក្រុងប៉េកាំងបានប្រើដើម្បីធ្វើឱ្យខូចដល់អត្ថិភាពរបស់តៃវ៉ាន់។
អ្នកកាសែត William Yang បាននិយាយថា ស្ថាប័នប្រជាធិបតេយ្យផ្សេងៗគួរតែសហការគ្នាដើម្បីជួយអង្គការមិនរកប្រាក់ចំណេញ ដូចជា TFC ដើម្បីព្យាយាមជួយពួកគេពង្រីកការផ្សព្វផ្សាយរបស់ពួកគេតាមរយៈកម្មវិធីអប់រំ មិនថាផ្នែកហិរញ្ញវត្ថុ ឬបច្ចេកវិទ្យា។ លោក Yang ក៏បានបន្ថែមថា យុទ្ធនាការផ្សព្វផ្សាយព័ត៌មានមិនពិតភាគច្រើនផ្តោតលើការបោះឆ្នោតនាពេលខាងមុខ ឬអង្គការមួយចំនួនដែលមានគណបក្សនយោបាយ៕ ប្រភព៖ A24