បើទោះរូបកាយរបស់ Tangmo Nida មិនវិលត្រឡប់វិញជារៀងរហូតក៏ដោយ ប៉ុន្តែ គេជឿថា នាងនឹងស្ថិតក្នុងដួងចិត្តមនុស្សជាច្រើនដែលបានស្រឡាញ់ចូលចិត្តជាយូរមកហើយ។ យ៉ាងណាមិញ នៅក្នុងបុណ្យសពរបស់នាង គេអាចមើលឃើញពីវត្តមានទាំងមនុស្សជិតស្និទ្ធ និងមនុស្សក្នុងវិស័យសិល្បៈ និងអ្នកគាំទ្រ បានមករួបរួមគ្នាកាន់ទុក្ខចំពោះសពរបស់នាងយ៉ាងច្រើនកុះករ។
ថ្មីៗនេះ (ថ្ងៃ១៣ មីនា ២០២២) មហាជនមានការចាប់អារម្មណ៍ជាខ្លាំង នៅពេលដែលមិត្តសម្លាញ់របស់នាង គឺ Anna TV Pool (ជាភេទទី៣) បានបង្ហោះរូបភាពបង្ហាញ Bird ជាគូស្នេហ៍ និង Tangmo ត្រូវបានគេកាត់តឈរក្បែរគ្នា ដែលឃើញហើយពិតជាគួរឲ្យស្រណោះណាស់។
ក្នុងនោះ Anna បានសរសេរថា «ខ្ញុំមិនច្បាស់ថាអ្នកណាធ្វើទេ ប៉ុន្តែវាជារូបភាពស្អាតណាស់”។ បន្ទាប់មក Anna ក៏បានដកស្រង់សំណេរហ្វេសប៊ុកនោះដោយបានសរសេរថា «អរគុណសម្រាប់ការចូលចិត្តរូបភាពដែលបានបង្កើត។ ខ្ញុំពិតជាសប្បាយចិត្តណាស់!»។
ក្រោយបានឃើញរូបភាពនេះ ធ្វើឱ្យមនុស្សជាច្រើនរំជួលឡើងស្រក់ទឹកភ្នែក ព្រោះវាបង្កប់អត្ថន័យដ៏ល្អមួយ ដែលឃើញហើយរកពាក្យថ្លែងពុំចេញនោះទេ សម្រាប់រូបភាពមួយនេះ,…៕ រក្សាសិទ្ធិដោយ៖ លឹម ហុង
