ហាងធ្វើសក់មួយកន្លែង ស្ថិតនៅក្នុងសង្កាត់ Chanthanimit ស្រុក Mueang Chanthaburi ភាគខាងជើងនៃប្រទេសថៃ ទើបតែបើកសម្ភោធសាខាទី២របស់ពួកគេ កាលពីទី២ ឧសភា ។ ហើយដើម្បីប្រូម៉ូតសាខាបើកថ្មីនេះ ពួកគេបានជួលតារាប្រុសៗស្រស់សង្ហារ៤រូប ដើម្បីផ្តល់ភាពរាក់ទាក់អតិថិជនស្វាគមន៍ដំបូង ដែលត្រូវបានផ្តល់ជូនការបញ្ចុះតម្លៃ សម្រាប់សមាជិកពិសេស ១០% ក្នុងរយៈពេល១ឆ្នាំ ។
យោងតាម nextshark បានចុះផ្សាយឲ្យដឹងថា ស្ត្រីៗស៊ីវីល័យជាច្រើនរូបស្វាគមន៍លើកដំបូង ត្រូវបានអមដំណើរដោយបុរសស្រស់សង្ហារ៤នាក់ ចូលក្នុងហាង ប្រៀបដូចព្រះនាងអីចឹង ។
ក្រៅពីធ្វើជាជាងកាត់សក់របស់អ្នក បុរសទាំងនេះក៏អាចមានមន្តស្នេហ៍ទាក់ទាញ លើកបី «ព្រះនាង» ទាំងនោះផងដែរ ខណៈពេលថតរូបអនុស្សាវរីយ៍ជាមួយពួកគេ ។
ប៉ុន្តែ គួរឲ្យសោកស្តាយ អ្វីទាំងអស់នេះគ្រាន់តែពេលវេលាមួយ នៃការផ្សព្វផ្សាយសម្រាប់ហាងធ្វើសក់ «Sutteerak Hair Salon» នេះប៉ុណ្ណោះ ។ ទោះយ៉ាងណា ស្ត្រីមានសំណាងយ៉ាងតិចក៏ ៣, ៤ នាក់ ដែរទទួលបានឱកាសនេះជួបជាមួយបុរសដ៏ស្រស់សង្ហារទាំងនេះ ៕ ចន្ទី
