ជុំវិញការស្លាប់ឪពុកម្តាយរបស់តារាចម្រៀងស្រី កញ្ញា សុវត្តិ ឌី ធារិកា ដែលបានជួបគ្រោះថ្នាក់ក្រឡាប់រថយន្ត នៅខេត្តព្រះវិហារ កាលពីរសៀលថ្ងៃទី១៧ ខែឧសភា ឆ្នាំ២០២២ ឃើញថាបានធ្វើឲ្យមជ្ឈដ្ឋានមហាជនគ្រប់ស្រទាប់ សម្តែងនូវក្តីសោកសង្រេងយ៉ាងខ្លាំង ជាពិសេសអាណិតអាសូរប្អូនស្រី ធារិកា ដែលជាកូនស្រីច្បងនាងយំសន្លប់ម្តងៗ ដែលពិតជាគួរឲ្យសោកស្រណោះណាស់។
សពឪពុកម្ដាយរបស់សុវត្ថិឌី ធារិកា ត្រូវបានបញ្ជូនយកមកទៅតម្កល់ធ្វើបុណ្យតាមប្រពៃណី នៅវត្តស្ទឹងមានជ័យតាំងពីយប់ថ្ងៃកើតហេតុមកម្ល៉េះ ហើយត្រូវបានបូជារួចរាល់ហើយកាលពីវេលាម៉ោង៤ រសៀលថ្ងៃទី១៩ ខែឧសភា ឆ្នាំ២០២២ នេះ។
យ៉ាងណាមិញ អ្វីដែលកាន់តែសង្វេគទៀតនោះ គឺនៅពេលបើកមឈូសមើលមុខម្ដាយជាលើកចុងក្រោយ មុនពេលបូជានោះ សុវត្ថិឌី ធារិកា បានស្រែកយំដង្ហោយហៅម្តាយថា «ម៉ាក់អើយ ម៉ាក់ហូរទឹកភ្នែក ម៉ាក់ហូរទឹកភ្នែក អ៊ំតុបអើយ អ៊ំតុបអើយ បងអាហ្នឹងយ៉ាងម៉េចទៅ ម៉ាក់ហូរទឹកភ្នែក អ៊ំតុបអើយ ម៉ាក់ហូរទឹកភ្នែក»។
នៅពេលឃើញសពម្តាយហូរទឹកភ្នែក សុវត្ថិឌី ធារិកា បានស្រែកយំកាន់តែខ្លាំង និងស្ទើរសន្លប់ ដោយពោលពាក្យទៅកាន់ម្តាយទៀតថា៖ «ម៉ាក់អើយ… ខ្ញុំសុំប៉ះម៉ាក់ខ្ញុំបានអត់ ឥឡូវខ្ញុំសុំជូតទឹកភ្នែកម៉ាក់ បានអត់ អូយ! ម៉ាក់អើយម៉ាក់ ហេតុអី ម៉ាក់ហូរទឹកភ្នែក ម៉ាក់ខ្ញុំស្អាតណាស់ ម៉ាក់កុំអាឡោះអាល័យខ្ញុំណា ខ្ញុំមើលថែប្អូន ម៉ាក់ណា ម៉ាក់ស្អាតណាស់លោកអើយ ម៉ាក់កុំភ័យ ម៉ាក់ណា»៕ រក្សាសិទ្ធិដោយ៖ លឹម ហុង