Wednesday, June 29, 2022

ផ្អើលស្រឡាំងកាំង​! សុ​ខៗ ស្រាប់​តែលេចចេញ​ផេ​ក​ផ្លូវការ Tangmo ទម្លាយ​រូបភាព វីដេអូ ឆាត​ទៅ Anna និង Bird ប្រាប់​ថា…

ដូចដែលប្រិយមិត្តបានទទួលជ្រាបរួចហើយ រឿងក្តីរបស់តារាស្រី Tangmo Nida ត្រូវបានបិទបញ្ចប់ទាំងមហាជនមិនអស់ចិត្ត បន្ទាប់ពីប៉ូលិសបានបញ្ជាក់ថា ការស្លា​ប់របស់នាង បានកើតឡើងដោយសារឧប្បទ្ទវហេតុធ្លាក់ទឹកពិតប្រាកដ​មិនមែនជា​ឃាតកម្មអ្វីនោះទេ ខណៈមនុស្ស ៥ នាក់ ដែលនៅលើទូកជាមួយនាង ត្រូវបានចោទប្រកាន់។

តែអ្វីដែលគួរឲ្យភ្ញាក់ផ្អើលខ្លាំងនោះ គឺស្របពេលសពរបស់នាង នឹងត្រៀមបូជានៅថ្ងៃទី២៤ ខែឧសភា ឆ្នាំ២០២២ ក៏ស្រាប់តែទំព័រហ្វេសប៊ុកមួយត្រូវបានបង្កើតឡើង ដាក់ឈ្មោះ តែងម៉ូ ដោយបានធ្វើការបង្ហោះរូបភាព និងវីដេអូជាច្រើន មិនឈប់ឈរសោះឡើយ ជាហេតុធ្វើឲ្យរឿងមួយនេះបានក្លាយជាចំណាប់អារម្មណ៍យ៉ាងខ្លាំង ពីសំណាក់អ្នកលេងបណ្ដាញសង្គម ដែលមានការសង្ស័យថា តើនរណាជាអ្នកនៅពីក្រោយការទម្លាយរូបភាព និងវីដេអូទាំងនេះ ឬក៏ តាំងម៉ូ នាងមិនទាន់ស្លាប់?។

ជាក់ស្ដែង ផេកហ្វេ​សប៊ុកដាក់ដាក់ឈ្មោះ «Happy Melon official» ដែលតែទើបបង្កើតថ្មីៗនេះនេះ គឺមានអ្នកតាមដានរហូតដល់ទៅ​ជាង​១​លាននាក់ឯណោះ ហើយរាល់ការបង្ហោះនីមួយៗមានអ្នកចូល Like, Share និង Comment ឡើងកប់តែម្ដង។​

ជាការពិតណាស់ ការទម្លាយរូបថត និងវីដេអូដ៏ចម្លែកជា​បន្តបន្ទាប់នេះ បានធ្វើ​ឲ្យគ្រប់គ្នា​នៅ​ថៃភ្ញាក់ផ្អើលយ៉ាងខ្លាំង​រហូតដល់អ្នកខ្លះ​លើកជា​ចម្ងល់ថា​តើ Tangmo ​នៅ​រស់​ឬ​យ៉ាងណា ខណៈ​ទូរស័ព្ទរបស់នាង​ ត្រូវបានប៉ូលិសដកហូតអស់ហើយហ្នឹង ហើយហ្វេសប៊ុកផ្លូវការរបស់នាងក៏ត្រូវបានបិទចាប់តាំងពីពេលនោះផងដែរ។

ក្នុងនោះ Anna ដែលជាមិត្ដសម្លាញ់របស់ Tangmo Nida ក៏បានចេញមុខនិយាយប្រាប់មហាជនថា ជននោះបានប្រាប់ថា រូបគេជាមិត្ដភិក្ដរបស់នាង ដោយប្រាប់ថា រូបគេគឺជា Tangmo មិនទាន់ស្លាប់នោះទេ។ មិនតែប៉ុណ្ណោះថែមទាំងប្រាប់ថា រូបគេជា Tangmo បានធ្វើការផ្ញើរសារទៅកាន់មិត្ដភិក្ដដ៏ទៃទៀត រួមទាំង Bird ដែលជាមិត្ដប្រុសរបស់ខ្លួនថែមទៀតផង។

បើទោះជាបែបណា Anna ក៏បានសំណូមពរថា៖ «មិនថា​ជា​អ្នកណា ដែលកំពុងប្រើ​ហ្វេ​សប៊ុកដាក់ឈ្មោះ Tangmo តែ​ខ្ញុំសុំឱ្យបញ្ឈប់ ប្រសិនបើ​យកឈ្មោះ​នាងមកប្រើ​នៅក្នុងផ្លូវមិនល្អ។ ប៉ុន្តែ បើ​មានភស្តុតាងចង់បង្ហោះ​អ្វី​ក៏បង្ហោះ​ចុះ តែ​កុំប្រើ​ឈ្មោះ Tangmo មកធ្វើ​អ្វីផ្តេសផ្តាស ជាពិសេសឆាតទៅ Hippo ឆាតទៅ Bird ថា​មិនទាន់ស្លា​​ប់។ តើនរណាកំពុងប្រើឈ្មោះរបស់ Mo តើអ្នកចង់ធ្វើអី កុំមកបន្លាចគេដូច្នេះ តើអ្នកឯងចង់បានអី បានជាមករំខានគេគ្រប់គ្នាដូច្នេះ ពិតជាអាក្រក់ខ្លាំងណាស់ ដែលមកក្លែងឈ្មោះរបស់គេបែបនេះ»៕ រក្សាសិទ្ធិដោយ៖ លឹម ហុង