ភ្នំពេញ ៖ ហួសចិត្តមែន បុរសល្មោ.មកា.មម្នាក់ បែកគំនិតយកទូរស័ព្ទដៃ ទៅលួចថតស្រ្តីម្នាក់ ជាប្រពន្ធគេកំពុងតែចូលងូតទឹក នៅក្នុងបង្គន់ ត្រូវបុរសជាប្តីឃើញទាន់ ក៏ចាប់ឃាត់ខ្លួន រួចរាយការណ៍ទៅសមត្ថកិច្ច ចុះមកឃាត់ខ្លួនភ្លាមៗ។
ហេតុការណ៍នេះដែរ បានកើតឡើងកាលពីវេលាម៉ោង៨និង ២០នាទីយប់ថ្ងៃទី២៦ ខែឧសភាឆ្នាំ២០២២ ត្រង់ចំណុចបន្ទប់ជួលមួយកន្លែង ស្ថិតក្នុងភូមិ៣ សង្កាត់បឹងសាឡាង ខណ្ឌទួលគោក រាជធានី ភ្នំពេញ។
ជនសង្ស័យត្រូវគេមិនស្គាល់អត្តសញ្ញាណនៅឡើយ តែគ្រាន់តែដឹងថាបានមកជួលបន្ទប់ក្បែរស្រ្តីរងគ្រោះខាងលើ។
បើតាមការបញ្ជាក់ពីបុរសដែលត្រូវជាប្ដីស្រ្តីរងគ្រោះ បានប្រាប់ឲ្យដឹងថា ដោយបុរសជាជនសង្ស័យ បានមកជួលបន្ទប់នៅជាប់គ្នា ជាយូរមកហើយ តែពុំដឹងថាជនសង្ស័យមានគំនិតបែបនេះ នោះទេ លុះមកដល់ម៉ោងកើតហេតុខាងលើ ដោយស្រ្តីរងគ្រោះបានចូលទៅងូតទឹក ដោយមិនបានបិតទ្វារបន្ទប់ទឹកនោះទេ ពីព្រោះបន្ទប់ទឹកបានដាច់អំពូល រាងងងឹត តែបានបើកភ្លើងនៅបន្ទប់ខាងក្រៅ និងបិទទ្វារជាធម្មតា
ក្រោយមកស្រាប់តែបុរសជាជនសង្ស័យ បានយកទូរស័ព្ទមកដាក់នៅចំប្រហោងដ៏តូចមួយ រួចថតជាវីដេអូ និងរូបភាពជាច្រើន ស្រាប់តែភ្លាមនោះដែរ បុរសជាប្តីបានមកឃើញទាន់ ក៏ឃាត់ខ្លួនជនសង្ស័យរួចរាយការណ៍ទៅសមត្ថកិច្ច ឲ្យចុះមកឃាត់ខ្លួនភ្លាមៗ។
ក្រោយពីសមត្ថកិច្ចមូលដ្ឋានចុះមកដល់ ក៏បាននាំបុរសជាជនសង្ស័យ យកទៅប៉ុស្តិ៍នគរបាលរដ្ឋបាលសង្កាត់បឹងសាឡាង សាកសួរបន្តនិងឲ្យស្រ្តីរងគ្រោះដាក់ពាក្យបណ្តឹង និងចាត់ការបុរសជាជនសង្ស័យ ទៅតាមនីតិវិធីផ្លូវច្បាប់ ៕ រក្សាសិទ្ធិដោយ ៖ សា មេត
