មហាជននៅក្នុងបណ្តាញសង្គមហ្វេសប៊ុក ពិតជាសម្តែងនូវក្តីរន្ធត់ចិត្ត និងសោកស្តាយ ក្រោយទទួលដំណឹងមរណភាពរបស់តារាសម្តែងស្រីដ៏ស្រស់ស្អាត កញ្ញា គង់ ម៉ូនីកា ដែលកំពុងសាងភាពល្បីល្បាញមហាជនចាប់អារម្មណ៍ខ្លាំង បន្ទាប់សាងស្នាដៃធំមួយ តាមរយៈការសម្ដែង MV ក្នុងបទចម្រៀង «ជូនដំណើរអូនឡើងលើផ្លូវហាយវ៉េ» របស់តារាចម្រៀងសំឡេងស្អកខេម ដែល MV មួយនេះ បានចំណាយដើមទុនដ៏ច្រើនសន្ធឹកសន្ធាប់ របស់ផលិតកម្ម កាឡាក់ស៊ីណា វ៉ាត្រា ប៉ុន្តែ ជាអកុសល មិនគួរណានាងទៅយ៉ាងលឿនទាំងវ័យក្មេងបែបនេះសោះ។
ចំពោះមូលហេតុនៃមរណភាពរបស់តារាស្រីរូបនេះ បើតាមគណនីហ្វេសប៊ុករបស់លោក សាវិន ហ្វីលីព Savin Phillip បានបញ្ជាក់ប្រាប់ឲ្យដឹងនៅវេលាម៉ោង 3:01 រសៀលថ្ងៃទី៦ ខែមិថុនា ថា «សោកស្ដាយ ! តារាសម្ដែង គង់ ម៉ូនីកា បានស្លាប់ដោយជំងឺគាំងបេះដូងមុននេះបន្តិច ។ កញ្ញាជាតួឯកស្រីក្នុង MV ដ៍ល្បីគឺបទ ជូនអូនទ្បេីងផ្លូវហាយវេ របស់ផលិតកម្ម Galaxy Navatra សូមប្អូនស្រីបានទៅដល់ទីស្ងប់សុខ RIP …»។
ដោយឡែក លោកឧកញ៉ា ហេង ឡុង ឯណេះវិញ ខណៈពុំបានដឹងច្បាស់លាស់ ក៏បានបង្ហោះតាមរយៈទំព័រហ្វេសប៊ុករបស់ខ្លួន នៅវេលាម៉ោង 9:17 យប់ថ្ងៃទី៦ ខែមិថុនា ថា៖ «ពត៌មានក្រៅផ្លូវការ “មរណៈភាពរបស់កញ្ញា គង់ ម៉ូនីកា មានពាក់ព័ន្ធនឹងការវះកាត់ដើមទ្រូងមិនប្រក្រតី” ខ្ញុំបាទនឹងសិក្សាលម្អិតអំពីបញ្ហានេះ។ សូមវិញ្ញាណខ័នកញ្ញាទៅកាន់សុខគតិភព»។
ពិតណាស់ ក្រោយឃើញលោកឧកញ៉ា ឡុង និយាយបែបនេះ ស្រាប់តែសាច់ញាតិរបស់សពកញ្ញា គង់ ម៉ូនីកា ដែលមានគណនីហ្វេសប៊ុកឈ្មោះ Until You បានចេញមកប្រតិកម្ម តាមរយៈខមិនទាំងហួសចិត្តបែបនេះថា៖ «ក្នុងនាមខ្ញុំជាអ្នកជិតដិតរបស់សព គាត់មិនមែនស្លាប់ដោយសារដូចគាត់យាយទេ មិនគួរហាមាត់ផុសចឹងបានសោះ គាត់ស្លាប់ហើយក្រដាសពេទ្យបញ្ជាក់ត្រឹមត្រូវគាត់មេរោគក្រពះ គាត់ប្រត្តិកម្មថ្នាំមេរោគក្រពះ គាត់ញ៉ាំថ្នាំមិនបានញ៉ាំបាយ ឬបបរទេ, ចឹងបានខ្ញុំថា បើសិនខ្ញុំអ្នកដទៃមិនស្គាល់សព ខ្ញុំមិនទៅឈឺក្បាលរឿងគេទេ ខ្ញុំបានត្រឹមតែមើល តែនេះគាត់ជាបងប្អូនសាច់ញាតិខ្ញុំ ទើបឈឺចាប់ជុំនួសសព»។
រីឯអ្នកលេងបណ្តាញសង្គមផ្សេងទៀត បានដាក់ឲ្យលោកឧកញ៉ាឡើងកប់ៗថា៖ «ចេះស្ទើរ ធ្វើភ្លឺទៅ មានអ្នកថាលោកឯងគរ អាអើយអា, ពូហា បើមិនដឹងរឿង កុំចេះនិយាយទុកមាត់ញុំាមាន់ គេគ្រួសារសពគេឡើងអាណិត បងចង់ល្បីខុសទំនង, ស្ងាត់គេជេរមែនពូ បានផុសថាអោយគ្នាចឹង គាត់ស្លាប់ហេីយម៉េចមិនអោយគាត់ទៅបានសុខចឹង ប្រយ័ត្នកម្មពៀរណាពូ,…»៕ រក្សាសិទ្ធិដោយ៖ លឹម ហុង
