ប្រិយមិត្តជាច្រើនពិតជាបានស្គាល់រួចមក តារាចម្រៀង ពេជ្រ សោភា ជាតារាចម្រៀងស្រីលំដាប់ជួរមុខមួយរូប ដែលបានសាងភាពល្បីល្បាញ និងនៅតែមានប្រជាប្រិយភាពខ្លាំង ដោយនៅតែមានមហាជនគាំទ្រយ៉ាងច្រើនដដែល។
ពិតណាស់ តារាចម្រៀង ពេជ្រ សោភា ពុំត្រឹមតែមានទឹកដមសំឡេងពិរោះ យ៉ាងក្រអួតក្រអៅប៉ុណ្ណោះទេ តែសម្រស់របស់តារាស្រីរូបនេះវិញ ជាពិសេសរាងរៅ គឺថាទាក់ទាញចំណាប់អារម្មណ៍តែម្តង។
តែទោះជាយ៉ាងណា តារាស្រីរូបនេះ ហាក់អភ័ព្វស្នេហ៍ ដោយជួបស្នេហ៍ទី១រៀបការជាមួយបុរសជាមន្ត្រីយោធា និងជាអាណិកជនរស់នៅសហរដ្ឋអាមេរិក នៅអំឡុងឆ្នាំ២០១៥ មិនបានមួយឆ្នាំ ក៏បែកបាក់គ្នា និងស្នេហាទី២ ជាមួយលោក ឆឹម សក្កដា ផ្អែមល្ហែមនិងគ្នាមិនបានប៉ុន្មានផងក៏ឈានដល់ផ្លូវបំបែកទៀត។
បន្ទាប់ចែកផ្លូវគ្នាជាមួយលោក ឆឹម សក្កដា មិនយូរប៉ុន្មាន ពេជ្រ សោភា ក៏បានធ្វើឲ្យមហាជនភ្ញាក់ផ្អើល ខណៈបង្ហាញភាពរូបថតមួយសន្លឹកកាន់ដៃបុរសម្នាក់យ៉ាងស្និទ្ធស្នាល នៅលើទឹកដីអង្គរ ដែលធ្វើឲ្យគ្រប់គ្នាជឿថា ជាគូស្នេហ៍ថ្មីរបស់នាង។ តែទោះជាយ៉ាងណា បន្ទាប់មក ពេជ្រ សោភា ហាក់មិនបង្ហាញថាមានដៃគូស្នេហ៍ថ្មីជាមួយបុរសណានោះទេ។
ជាក់ស្តែង ថ្មីៗនេះ ពេជ្រ សោភា បានធ្វើឲ្យហ្វេនរបស់នាង មានការចាប់អារម្មណ៍យ៉ាងខ្លាំង ក្រោយតារាស្រីរូបនេះបានបង្ហោះសាររៀបរាប់ពីជីវិតឯកោដ៏កំសត់ថា៖ «អ្នកអើយ មិត្តជំនាន់ខ្ញុំការអស់ហើយអ្នកខ្លះមានដល់កូនទៀតហើយ ខ្ញុំពេលណាបានដល់គូ គូខ្ញុំប្រហែលដល់ចាស់ដើរលែងរួចទើបដល់មើលទៅ រើសពេកចឹងហើយ មកធ្វើមុខកំសត់អីណា»។
ក្រោយឃើញបែបនេះ ធ្វើឲ្យហ្វេនៗជាច្រើនបានចូលទៅខមិនលេងសើចថា៖ ទ្រាំទៅបង ចាំជួបគូព្រេងទះបីដៃទៅបង អោយបងចាំយូរ, ចែប្រយ័ត្នក្មេងៗ ជំនាន់ក្រោយ ការមុនអស់ចែ ឃើញគេ 17 18 អីភ្ជាប់ពាក្យខ្លះៗហើយ, Idol 39ឆ្នាំ យើង25 ភ័យនៅតាមគាត់ដែរទៅ(single ល្អ),…៕ រក្សាសិទ្ធិដោយ៖ លឹម ហុង